Azul, Argentina. ‘Hipólito Yrigoyen. Primer centenario de la soberanía popular’ izenburuko bere liburua aurkeztu zuen ekainaren 15ean Cesar Arrondo irakasle euskal-argentinarrak Azulgo Gure Txokoaren egoitza berrian. Hogeita hamar bat lagun inguratu ziren aurkezpenera, tartean elkarteko Zuzendaritza Batzordeko kideak. Hiriko hedabideak ere bertaratu ziren euskal etxera hitzaldiaren berri eman eta egileari elkarrizketak egiteko.
Gure Txokoak, bere egoitza berriko ateak ireki zituen liburuaren aurkezpen ekitaldirako. Egoitza berria B. J. Ronco kaleko 675.ean dago eta ekainaren 1etik erakundeko ekintza guztiak bertan egite dira. Inaugurazio ofizialarentzat, dena den, ez da oraindik data ofizialik adierazi. Hala ere, euskal etxeko iturriek EuskalKultura.com-i jakinarazi diotenez, elkartea hasia da dagoeneko inaugurazio ekitaldiko xehetasunak prestatzen.
Lagun bati bidali
Komentarioa gehitu
