Caldas, Kolonbia. Gure Mendietakoak Euskal Etxeko lehendakariak, Oscar Urrea Aristizabalek, idatzi digunez, "Gure Kolonbiako Erregina berria, nire lehengusina Maria Fernanda Aristizábal Urrea" aukeratu dute asteburu honetan. Quindío eskualdeko ordezkaria, miss berria, 22 urtekoa, Komunikazio Sozialeko ikaslea da Luis Amigo Unibertsitate Katolikoan, eta Kolonbiara XVII. mendean iritsitako Hernaniko (Gipuzkoa) eta Lekeitioko (Bizkaia) euskaldunen ondorengoa da.
Urrea lehendakariak adierazi duenez, "gure eskualdeak Antioquia, Quindío, Risaralda eta Caldas departamenduak hartzen ditu" eta "munduan euskaldunen ondorengo gehien biltzen duena da". "Paisa Herria deitzen digute, eta harro gaude horretaz, Euskal Herriarekin dugun analogiagatik", esan du.
Lagun bati bidali
Komentarioa gehitu
