Donostia-San Sebastián. ‘Hasiera bat’ du izena Gorka Urbizu musikari eta abeslari nafarraren azken diskoak, bere bakarlari karrerako lehenak, eta ‘Tour bat’, diskoa aurkezteko Intxaurrondon (Donostia) otsailean hasi zuen birak. Tour honen baitan Latinoamerikako hiru herrialde bisitatuko dituela iragarri du Berri Txarrak taldeko liderra izandako artistak, bere banda berriarekin batera, maiatzean.
Hauek dira bira horretako parte orain arte Amerikan baiezta daitezkeen kontzertuak:
- Maiatzaren 6an, Mexiko Hirian, Bajo Circuito aretoan
- Maiatzaren 8an, Bogotan, BIME musika-industriako profesional eta zaleentzako nazioarteko topaketan
- Maiatzaren 12an, Buenos Airesen, StrummerBar tabernan (Gorkaren set akustikoa)
‘Tour bat’ biraren barruan, Euskal Herritik kanpo beste kontzertu batzuk ere eskainiko ditu musikariak
- Apirilaren 19an, Madrilen, Joy Eslava Antzokian (sarrerak hemen)
- Maiatzaren 25ean, Bartzelonan, Paral-lel62 Aretoan (sarrerak hemen)
Orain arteko informazioa hau bada ere, informazio berria zabaltzen joango dela bere sareetan aurreratu du abeslariak. Beraz, zaleek erne ibiliko beharko dute. Lortuko al dute, esaterako, txiletarrek kantariak Santiagon geldialdi bat egitea, eskakizun hori helarazi baitigute, sareetan ere hala eskatuz!
Lagun bati bidali
Komentarioa gehitu
