Gooding, Idaho, AEB. Gooding-eko Euskal Etxeak urtebetetze festa eta omenaldi berezia eskaini die euskal komunitatean aurten 80 urte bete dituzten eta beteko dituzten lagunei. Guztiak Euskal Herrian, Bizkaian, jaio eta Estatu Batu mendebaldera emigratu eta hemen bizitza aurrera ateratako euskaldunak dira. Esker onez eta gustura oso batu ziren ekainaren 2an Gooding Basque Association euskal etxearen egoitzara, elkarte honek hilabetean behin antolatu ohi duen 'Lehenengo bariku' edo 'First Thursday'ko ekaineko saioarekin batera egindago ekitaldira, Euskal Etxetik Asun Bedialaunetak baietsi dugunez.
Hauek dira omenaldia jasotako euskaldunak, izena eta jaioterria adierazita:
- Maria Jesus Iturriaga, Ereñokoa
- Eduardo Careaga, Ereñokoa
- Miguel Ayarza, Larrabetzukoa
- Gabriel Goitiandia, Aulestikoa
- Jose Luzar, Aulestikoa
- Jose Eguren, Bolibarkoa
- Idarraga, Ispasterkoa
- Jesus Careaga, Aulestikoa
- Iñaki Sabala, Ispasterkoa
Gooding-eko Euskal Etxearen Omenaldia jasotakoetako batzuk talde-argazkian
Omenduak Euskal Etxearen areto nagusian sartu aurretik
Euskal Etxeko sukaldari bolondresek prestatutako janaria aukerra ederra da Goodingen
Gooding-eko hainbat herritarren estimua daukan ekintza da 'Lehenengo barikua' izenekoa
Esan bezala, ekitaldia Gooding-eko Euskal Etxeak hilero antolatzen duen afari bereziarekin bat gauzatu zen. EEak hileko lehenengo bariku edo ostiralero, euskal estiloko afari bat prestatzen du bere egoitzan bazkideei eta kaleko jendeei ere irekia. Izan ere, herritar ez-euskaldunen aldetik oihartzun ederra lortzen duen proposamena da, etxean egindako platerak, natural, osasuntsu eta zaporetsuak, eta oso prezio onean. Hau izan da azken aldi honetako menua: garbantzo zopa, entsalada, arroza, bildots txuletak, Oilaskoa piper gorriekin, bildots erregosia, etxean egindako ogia, arrozesnea, flana eta beste pastel ugari. Ateratzen den diruarekin euskal elkarteari laguntzen zaio.
Urtebetetze on eta zorionak 80 urte betetakoei! Eta zorionak Gooding-eko EEa aurrera ateratzen duzuenoi! Mila esker!
Lagun bati bidali
Komentarioa gehitu
