euskalkultura.eus

Albisteak

Goihata, euskal itzulpengintza enpresak, doako euskara-japoniera hiztegia diseinatu eta sarean jarri du

2008/01/24

Sarean dagoen lehen euskara-japoniera hiztegi eta baliabidea da hau, Goihatako arduradunek EuskalKultura.com-i azaldu diotenez. Enpresa honek itzulpengintza lanak eta Japonia eta Euskal Herriko enpresen harremanetarako aholkularitza zerbitzuak eskaintzen ditu. Hiztegiak 20.000 termino biltzen ditu dagoeneko, baina Wikipedia erako kolaborazioarekin etengabeko berrikuntza eta hobekuntza izango duela espero dute egileek.

Hiztegia izena jarri diote, baina egiaz software librean sortutako elkarlanerako plataforma omen da, zehaztu dute arduradunek. Horrek esan nahi du erabiltzaileek parte har dezaketela hiztegia eraikitze eta garatze lanetan, beraien ekarpenekin hiztegia osatuz. Horrela kolaboratu nahi dutenek Goihatarekin harremanetan jarri behar dute eta enpresak hiztegiaren 'tripetan' sartzeko pasahitzak emango dizkie.

Euskarazko hitzen bat japonieraz nola esaten den (edo alderantziz) bilatzen dutenek ere oso erraz lortuko dute. Hiztegiaren webgunean sartu eta bilaketa zein hizkuntzatan egin nahi duten aukeratu beharko dute. Japonierazko hitz bat bilatu nahi izanez gero, zein idazkeran egingo duten aukeratu beharko dute: Kanji (piktograma), Kana (Hiragana, silaba alfabeto japoniarra) edota Romaji (erromatar alfabetuan hitzan izango lukeen ahoskera). Honezaz gain irudiak, bideoak eta ahoskera ereduak ere jarriko dituzte sarean datozen asteetan.


Lotura interesgarriak

Goihata
www.goihata.com

Euskara-Japoniera hiztegia
20.000 termino

Euskal abizenak japonierara itzulita
Goihataren blogean

---

---

Irakurrienak

• 2024/10/28
  Iribarne-Ratto Juningo bikote argentinarra garaile Cuscon Euskal Gizataldeen 45. Munduko Mus Txapelketan
• 2024/10/24
  Valladolideko Gure Txokok euskal irudi ederrak utzi zizkien bertako herritarrei 2024ko Euskal Festaren ospakizunean
• 2024/10/25
  2024ko Munduko Mus Txapelketa: kitxuak eta euskarak bat egin dute muslariek Machu Pichura egindako bisitan
• 2024/10/28
  Amale Artetxe Katedra: mintegia zabalduko dute ostegunean Basterretxeaz Buenos Airesen, doan eta entzule orori irekia
• 2024/10/30
  San Nicolas: Koru topaketa arrakastatsu baten anfitrioi izan ostean, Errekatarrak Euskal Astean kantatzeko prestatzen ari

Azken komentarioak