Vitoria-Gasteiz. Abuztuaren 19tik irailaren 13ra luzatu dute eskabideak aurkezteko epea. Zer den Global Training? Enpresen Garapenerako Euskal Agentziak (SPRI), Eusko Jaurlaritzaren Ekonomiaren Garapen, Jasangarritasun eta Ingurumen Sailaren menpeko denak urtero deitzen duen beka programa, 2012an sortu zenetik hona Euskak Autonomia Erkidegoko 5.000 gazte baino gehiagori atzerrian praktika profesional ordainduak egiteko aukera eman diena.
Gogora dezagun ekimen honek 1.635 euro/hileko praktika ordainduak sustatzen dituela munduan barrena, eta bere xede dituela gazteek trebakuntza eta nazioarteko eskarmentua hartzea atzerrian kokatutako enpresa edo erakundeetan; norberaren gaitasun eta trebeziak lantzea nazioarteko testuinguruan eta kultura arteko esparruetan egokitu eta aurkez daitezkeen arazoak gainditzeko; eta ezagutza eta nazioarteko kontaktu sareak eraikitzea, gerora etor daitezkeen lankidetza eta lan-aukeretan lagungarri izan daitezen.
Global Training-ek aukera paregabea eskaintzen du gazteek euren formakuntza biribildu dezaten, nazioarteko enpresa eta erakundeetan praktikak egin eta trebatuz
Bekak barne dauka 40 eta 60 ordu arteko aurretiko formakuntza bat, aipatu praktikak atzerrian 6 eta 12 hilabete artekoak, eta 1.635 euro/hileko ordainketa bat, kanpoan bizitzeak eragin ditzakeen gastuei aurre egiteko. Indarrean daraman denboran 5.000 euskal gaztetik gora eta 60 herrialdetako 500 enpresa baino gehiago izan dira programako partaide. Proposamena, 30 urte azpiko goi-mailako unibertsitate-tituludunei edo goi-mailako lanbide heziketa arloko graduatuei dago zuzendua, Euskal Autonomia Erkidegoan bizi eta ingelesa menperatzen dutelarik.
Eskabideak irailaren 13ra arte aurkez daitezke.
- Argibide guztiak, hemen; edo, telefonoz, 900 929 393 zenbakian
Lagun bati bidali
Komentarioa gehitu
