Donostia-San Sebastian. Bigarren Mundu Gerran AEBko gerra-esfortzuaren parte izan ziren euskal diasporako kideei buruz Pedro J. Oiarzabal buru duen Sancho de Beurko Elkarteko talde batek daraman ikerketa eta informazio-biltze lana laudorioak merezi dituen lana da. Zorrotz eta profesionalki lan egiteari dedikazio eta konpromiso txalogarria gehitzen dizkiote. Ondo dakite lan egiten, eta egin egiten dute, nahiz eta horretarako beharrezkoa den sustengu ekonomikoa eta horrek dakarren lasaitasuna ez duten. Ez da erraza sostengu hori falta nazaizu, egiten duzun lanean sinesten baduzu ere. Proiektu honetan hasi baino lehen ezer gutxi edo deus ez zen ezagutzen euskaldunek eta euren ondorengoek BMGn AEBko armadako parte izandako partaidetzaz. Pedro Oiarzabal eremu ukigabe batean sartu eta emaitza istekabeak lortu ditu, eta lortzen ari da, dagoeneko bi mila jendetik gora identifikatuta. Baina biografiak bukatu behar dira, eta urrats berriak behar dira eman emaitza horiek azaleratu eta euskal-amerikar hauek egindako ekarpen hori ezaguna izan dadin eta demokraziaren defentsan eman zutena monumentu batean zizelkatua eta geroari buruz iraunarazia izan dadin. Lagundu nahiko zenuke?
Gaur 'Giving Tuesday' da, urtero abenduaren 3an munduko hainbat lekuetan ospatzen den elkartasun, laguntza eta sustengu eguna, proiektuei laguntzekoa. Aukera egokia izan daiteke laguntzeko proiektu honek bere ikerketaldia bukatu eta berehala pasatzeko ahaleginak Bigarren Mundu Gerrako euskal beteranoak oroituko dituen Euskal Monumentu Nazionalari ekiten. Proiektuak NABO Ipar Ameriketako euskal etxeen federazioaren sustengua du, baita San Frantziskoko BEO Basque Educational Organization erakundearena ere. Dohaintza guztiak zerga aringarriak dira Estatu Batuetan. Ez dago ekarpen txikiegirik, guztiak besoak zabalik errezibitzen dira. Zeure laguntza zinez ongi etorria izango da. Hemendik egin dezakezu (hautatu eman nahi duzun kopurua eta egin online ordainketa). Mila esker.
Lagun bati bidali
Komentarioa gehitu
