Vitoria-Gasteiz. Gaur abiatuko da Gasteizen, aurrez aurre eta online, euskal diaspora graduondoaren bigarren edizioa. Oroi dezagun graduondoak iaz izan zuela estreineko edizioa Euskal Herriko Unibertsitatean, Eusko Jaurlaritzarekin elkarlanean. Graduondoan parte hartzen duten ikasleen kopuru esanguratsu bat munduko zenbait lekuetatik egiten du, hein handi batean Jaurlaritzako Kanpoan den Euskal Komunitatearentzako Zuzendaritzak antolatutako beka sistema medio.
Graduondoko arduraduna den Oscar Álvarez Gila historialari eta EHUko Amerikako Historiako irakasle titularra denak EuskalKultura.eus-i azaldu dionez, pozik egoteko modukoa da aurten bigarren edizioari ekitea, ikasleak "Euska Herrikoak baina Diasporakoak ere badirela, aurten hain zuzen ere Argentina, Uruguai, Peru eta Mexikokoak". "Urrian, bestalde, lehenengo edizioko ikasleen graduondoko aurreneko lanen aurkezpen publikoa egingo da", adierazi du email bidez.
Lagun bati bidali
Komentarioa gehitu
