San Frantzisko, AEB. Ekitaldia egingo da larunbat honetan arratsaldeko 3retan San Frantziskoko Gure Euskal Etxean (Basque Cultural Center) Donostiako Heredad de Unanue Hotela aurkezteko. Ostatua XV-XVI. mendeko baserri batean zabaldu zen joan den irailean eta euskal diasporari lotua agertzen da, dekorazioan eta planteamenduetan, Donostian eta Euskal Herrian Diaspora ezagutaraztea eta Euskal Herriaren eta bere Diasporaren arteko zubilana egitea helburu, urtean zehar hasia duen kultur zabalkunde egitarau batekin.
San Frantziskon larunbatean egingo den ekitaldian, hotelaren proiektua eta Diasporarekin daukan konpromisoa aurkeztearekin batera, hitzak eta irudiak tartekatuko dira, eta bertaratzen direnek aukera izango dute han bertan euskal liburu eta Euskal Herritik ekarritako opari sellekzio bat irabazteko, eta baita zozketa batean sartzeko ere, saria Heredad de Unanue Hoteleko bi gau izanik.
Diasporakoek, hotela merkeago
Bertan adieraziko da, baita ere, euskal diasporako kide eta lagunek Unanue Hotelean izango duten beherapena lortzeko, erreserba egiterakoan eman beharko duten kode edo pasahitza.
Ez zazu aukera galdu eta zatoz Basque Cultural Center-era larunbatean, bertako liburutegian 15:00etan egingo den ekitaldira.
Lagun bati bidali
Komentarioa gehitu
