euskalkultura.eus

Donostia-San Sebastian. Munduan zehar sakabanatuta dauden euskaldunentzako Eguberriak sasoi oso berezia da. Eurentzako eta Euskal Herriko edonorentzako ere proposamen polita dakar Kolorekolore.com webguneak: Gabonetako zorion txartelak guk geuk egitea!

Webgunean Gabonetarako (eta baita beste zenbait egun berezietarako) postalak egiteko aukera eskaintzen da. Oso erraza da: postal bat aukeratu, DinA4 tamainako orri batean inprimatu, tolestu eta kitto! prest daukazu Eguberrietako txartela! Beste aukera bat, umeek koloreztatzeko postalak aukeratzea da. Etxeko txikiek eskertuko dute denborapasa!

Umeentzako ere, webguneak beste aukera polit bat eskaintzen du: pertsonaia mitologikoen karetak egitea. Kasu honetan ere, kareta orri batean inprimatu eta ondoren txikiek koloreztatzeko aukera dago.

Gipuzkoako Foru Aldundiak laguntzen du webgunea, Hik Hasi eta TtiKlik.com Elkargunearekin batera. Horrez gain, ekimen hau lagundu nahi izanez gero, sustatzaile bihurtzeko aukera dago (sustatzaileak gainera marrazkiaren gaia proposa dezake!).