euskalkultura.eus

Pettan Ossinalde/Fresno, Kalifornia, AEB. Eguna aita Jean-Michel Lastirik eman euskal mezarekilan hasi zen, Bakersfield-eko klika partzuer. Meza bururatzean Fresno bereko Euskal Etxeko "Gure Bildotsak" ttipien dantza taldea arizan zen dantzari, akordeonean Manuela Etchechury, senar Panpirekin batera Fresnoko Santa Fe jatetxe euskalduna atxikitzen duena. Segidan, bazkari ederra, barbakoa gisa: Kaliforniako bildoskia, ilarrak, entsalada, ogia, gasna eta arnoa. Ondotik, Chinotik jin Gauden Bat Dantza Taldeko dantzariek Euskal Herriko probintzia guzietako dantzen erakustaldi polita eman dute.

Iluntzean balaren txanda izan zen, horrendako Utah-tik ekarrarazirik Ezterenzubiko arrazako Jean Flesher musikaria bere akordeonarekin Fresnoko Panpi Etchechury lagun zuela usaia duten bezala euskal aire, kantu eta musikak oro jo eta kantatuz, jendea loriaturik. Mementu goxoak pasarazi dituzte, gazte eta xaharrek betiko aireen entzuten eta dantzatzen.

Bestenaz, Fresnoko Euskal Etxeko Tony Campos eta Pettan Ossinaldek musean irabazi zuten Los Angelesko Oberena Euskal Etxeko txapelketan eta NABOko mus txapelketa nazionalean izanen dira Winnemuccan ekainaren 13an. Zorte onena heiendako!

Eta ez dugu ahatzi behar maiatzaren 10ean, Kaliforniako apez euskalduna den Jean-Michel Lastirik 25 urte bete dituela apeztuz geroz. Ederki ospatu du Fresnoko Izpiritu Sainduaren Eliza Katolikoan, San Frantziskoko Elgarrekin korala meza edertzen laguntzaile. Mezaren ondotik euskal elgarretaratzea izan da Santa Fe euskal jatetxean, Panpi eta Manuela Etchechuryk prestaturik. Besta polit hunkigarria izan da.