Frankfurteko euskara ikasleak euskal sagardo tradizioen ikasle Alemaniako sagardotegi batera eginiko bisitan

Batek baino gehiagok sagardo kupel batean must egiten duenaren irudia izango du buruan, baina ez, Alemaniako Euskal Ikaskuntzen Etxeko (EIAE) ikasleek egin zuten murgiltze/ikastaldia ez zen hain drastikoa izan. Alemaniako alde honetan sagardo tradizio handia dago eta euskal sagardoaren antzeko mota bat ere egiten dute. Euskal Herriko sagardo ohiturei buruz hitz egitea euskal estiloko sagardoa dastatuz zen klase praktikoaren helburua eta azkenean taldeko 25 ikasleek, alemaniarrek eta euskaldunek uste baino antzekotasun gehiago dituztela erabaki zuten.

Joan den asteartean Frankfurteko Unibertsitateko 'Alemaniako Euskal Ikasketen Etxeko' 25 ikaslek txangoa egin zuten landa aldera, sagardo mota desberdinak dastatzeko asmoz (sagardoa apfelwein da alemanez eta äppelwoi Hessen probintziako dialektoan). Bisita EIAEk bultzatzen duen euskal hizkuntza eta kultura ikastaroko klase 'praktikoa' izan zen eta Martin Petrus (EIAEko koordinatzailea) izan zuen gidari. Klasearen helburua ikasleei sagardotegien euskal ohitura erakustea zen. 'Honelako saioekin klase arruntetako errutina pixkat puskatu eta ikasleak askoz errazago eta hurbilagotik ezagutzen dute euskal kultura herrikoia, klaseko esparru zurrunetik kanpo', azaldu dio Petrusek BasqueHeritage.com-i.

'Dastaketa, Maintal-Bischofsheim herriko sagardotegi batean egin genuen, Frankfurtetik 10 bat kilometrora. Stier jauna de sagardotegiko jabe (stier zezena da alemanez)', azaltzen du Martin Petrusek. Dastaketan Hausschoppe (etxeko sagardoa), Speierling (sagar mota batek ematen dio izena), Sidre eta Stier sagardo famatua (euskal estilokoa) dastatu zituzten. Jateko, sagardo ogia (uraren ordez sagardoa erabiliz egina alegia), gazta eta Hesseneko beste jaki batzuk izan zituzten. Ondoren, jabea sagardoaren historiari buruz mintzatu zen eta sagardoa egiteko erak aipatu zituen. 'Azkenean denok uste genuena baieztatu zigun: Erdi Aroan, sagardoa egiten lehenak euskaldunak izan zirela'.

Hainbat gauza amankomunean

Stierrek artisau eran egiten du sagardoa, kalitatea gorena izan dadin. Alde ekologikoa ere zaintzen du, Frankfurteko sagarrondoak gal ez daitezen. 'Gurasoengandik jaso zuen lanbidea eta afizioa', azaltzen du Petrusek. 'Berak zuzenean eta laguntzarik gabe garatzen du prozesu osoa, horregatik kontuz bezeroren batek sagardoa gustukoa ez duela esaten badu. Eskerrak orain arte inor gutxi kexatu den!'. Ikasleen esanetan, klasea dibertigarria izan zen, ezbairik gabe, eta Petrusek irriz dioenez 'ikasleek euskal eta alemaniar kulturek amankomunean sagardoa behintzat badutela ikasi zuten. [Ezkerreko irudian AEIEko ikasleak alemaniar sagardotegian (Petrus argazkia)]

Lotura interesgarriak

Frankfurteko Unibertsitateko Euskal Liburutegia
http://titus.uni-frankfurt.de/basklib

Martin Petrus (EIAE): 'Euskadi erakutsi nahi dugu Alemanian'
BasqueHeritage.com-en argitaratua 2007ko maiatzaren 19an

Euskal Kultura Frankfurten
EuskalKultura.com-en argitaratua 2007ko apirilaren 25ean

euskalkultura.eus

Albisteak

Frankfurteko euskara ikasleak euskal sagardo tradizioen ikasle Alemaniako sagardotegi batera eginiko bisitan

Irakurrienak

Azken komentarioak