euskalkultura.eus

Zuzendaritza Batzordea berritu du FIVUk, Euskal-Uruguaitar Elkarteen Federazioak. Araudiaren araberako hauteskundeen ostean, Enrique Poittevin Gilmet-ek txanda hartu dio lehendakaritzan Miguel Asquetari. Zuzendari Batzorde berriko kide dira baita ere Elizabeth Ascurrein, lehendakariorde; Lucía Goñi, idazkari; eta Julian Ariztia, diruzain. Zorte ona opa diegu hautetsi berriei euren zeregin berrian eta mila esker esaten orain artekoei egindako lanagatik.

Montevideo, Uruguai. FIVU, euskal-uruguaitar elkarteen federazioa,  1997an sortu zen asmo hori zeukaten herrialdeko euskal etxeak elkarretaratu eta euren arteko lokarri izateko helburuan; iragan maiatzaren 24an hauteskundeak egin zituen bere buruzagitza berritzeko eta, ondorioz, hona federazioa gobernatuko duen Zuzendari Batzordea osatzen duten kideen berri:

-Lehendakari: Enrique Poittevin Gilmet
-Lehendakariorde: Elizabeth Ascurrein
-Idazkari: Lucia Goñi
-Diruzain: Julian Ariztia 

-Batzordekide: Dely Ahuntchain, Julio Poittevin Gilmet, Mirta Isoco 

-Diru Ikuskatzaile Batzordea: Viviane Adduino Custodio, Juan Pedro Arin San Martín, Ernesto Cis Leiza

EuskalKultura.com-en erredakziora helarazi duen oharrean, FIVUk gogora ekartzen du bere izaera euskal etxe biltzaile legez, nortasun juridikoduna, bere jarduna Uruguai osoan garatzeko helburuduna, munduko gainerako euskal etxeekin adiskidetasuna eta lankidetza eta kooperazioa bultzatzea bokazio.

Bere araudiak markatzen dute eginbehar duela "Euskal Herriko lurralde historikoetako erakundeekin eta oro har munduko euskal gizataldeekin harremanak sustatu eta estutzea, baita euskal kultura landu, atxiki eta hedatzea Uruguain, bere adierazpen guztietan (gure aurrekoen oinordetza, harrera-lurralde honetara hasieratik etorrita, euren ekarpenarekin aske eta burujabea bilakatzea lortu zutelarik)".