FEVAko lehen mintza praktikak Buenos Aires probintziako dozena bat irakasle bildu zituen hiriburu federalera

FEVAk antolatutako aurtengo lehenengo mintza praktika saioak, 'Argentinan Euskaraz' egitasmo barnean egindakoak, dozena bat euskara irakasle bildu ditu joan den larunbatean Buenos Aires hiriburura, izen bereko probintziako euskal etxeetatik etorriak. Irene López de Vicuña koordinadore, bertan ordezkaririk izan duten euskal etxeak General Villegas, La Plata, Tres Arroyos, Arrecifes, General Rodríguez eta hiriburu federala (2) izan dira. Federazioaren bigarren jardunaldia hurrengo seihilabetekoan egingo da, neguko barnetegiaren ondotik.

Urteko lehenengo mintza praktika saioa joan den larunbatean, maiatzak 12, egin zen, FEVAk aurreikusitako planen arabera eta 'Argentinan Euskaraz' programaren baitan, euskal etxeetan euskara irakasle direnen trebatzeko. Ekimena Euskaltzaleak euskara akademia porteño historikoaren hiriburu federaleko egoitzan garatu zen, Mexiko 1880 kalean, eta erakunde bereko Irene López de Vicuña irakaslea izan zuen gidari.

Elkarretaratzeak Buenos Aires probintziako zenbait euskal etxetako irakasleak bildu zituen: Nieves Castillo, General Villegas-ekoa; María Laura Galarraga, María Emilia Cairo eta Eugenia Hourcouripe, La Platakoak; Andrés Monteagudo, Tres Arroyos-ekoa; Mauro Matheu, Arrecifes-ekoa; Alicia Itcea, General Rodríguez-ekoa; Paula Lerchundi, Buenos Aireseko Laurak Bat-ekoa; eta María Elena Etcheverry, Gabriel Arce, Marina Aranguren eta Sabrina Otegui, Buenos Aireseko Euskaltzaleak-ekoak.

Lotura interesgarriak

Eusko Argentinar Bazkun Alkartasuna (FEVA)
www.fevaonline.org.ar

Euskaltzaleak, Buenos Aireseko Euskara Akademia
www.euskaltzaleak.org.ar

La Platako Centro Vasco Euzko Etxea
www.centrovasco.com

Tres Arroyos-eko 'Hiru Erreka' Euskal Etxea
www.hiruerreka.com.ar

Buenos Aireseko Laurak Bat
www.laurakbat.com.ar

FEVAko euskara arduradunek 2007ko plangintza aztergai
BasqueHeritage.com-en argitaratua 2007ko martxoaren 12an

euskalkultura.eus

Albisteak

FEVAko lehen mintza praktikak Buenos Aires probintziako dozena bat irakasle bildu zituen hiriburu federalera

Irakurrienak

Azken komentarioak