euskalkultura.eus

Vitoria-Gasteiz. Gaur goizean elkarrekin eskaini dute prentsaurrea Lehendakaritzaren egoitzan Kanpo Harremanetarako idazkari nagusi Guillermo Echeniquek eta Teknologia eta Berrikuntza sailburuorde Juan Goicoleak, biak Lehendakariaren laguntzaile izan ziren Lopez joan den uztailean AEBetara bidaiatu zenean, oraingo neurrien oinarriak ipiniz. Iragarri dutenez, Jaurlaritzak Euskadik Iparramerikan (Estatu Batuak, Mexiko eta Kanadan) duen presentzia indartzeko asmo finkoa du datozen hilabeteetan. Zabalkunde plan honen barruan arlo politiko, ekonomikoa eta kulturala uztartu nahi ditu Jaurlaritzak, Euskadiren bulego sare bat osatuz. Bertatik arlo ekonomikoa zein euskal jatorrizko hiritarrekiko harremana sustatuko ditu.

Gaur egun Jaurlaritzak New Yorken du Mexiko, AEB eta Kanadarako Euskadiren Ordezkaritza. Gaur iragarritakoarekin, Ordezkaritza horren antena bat, bulego berri bat, irekiko du Boisen (Idaho estatuan), izan ere Estatu Batuetan euskal jatorrizko herritarrek presentzia nabarmenagoa duten estatuan Horrez gain, gaur egun Mexiko DFn eta Filadelfian dauden enpresa-bulegoei hiru bulego berri batuko zaizkie, zehazki New Yorken, Kalifornian eta Floridan.

Euskadiren Ordezkaritza "erakunde, enpresa eta toki-erakundeekiko harremanen organoa izango da eta, aldi berean, Euskadiko eragile ekonomiko eta sozialen eta AEB, Mexiko eta Kanadakoen arteko lankidetza eta topaketa sustatuko du", azaldu dute prentsaurrean.