Vitoria-Gasteiz. Eusko Jaurlaritzaren Gobernu Kontseiluak gaur goizean egindako bilkuran oniritzia eman dio Euskal Autonomia Erkidegotik kanpoko Euskal Etxeentzako eta Euskal Etxeen federazio eta konfederazioentzako diru-laguntzen 2023ko deialdiari, 947.420 euroko zuzkidurarekin, iazko kopuru bera. Gaurko urratsaren ondotik, deialdia datozen egunetan argitaratu du EHAA-BOPV buletinak eta biharamunetik hilabeteko epea egongo da eskabideak aurkeztu ahal izateko.
Europar Batasuneko eta Kanpo Harremanetarako Idazkaritza Nagusiaren bidez banatzen den dirulaguntza deialdi honen zati handiena, 767.420 euro, IV. Kapituluari dagokio, alegia ohiko gastuak eta jarduera antolaketak laguntzen dituen atalari, Euskal Etxeen urteko programak edo jarduera zehatzak laguntzera bideratua, esan nahi baita nagusiki gazteria, emakume, kanpo-irudi eta komunikazio, memoria historiko, gastu arrunt eta funtzionamenduaren arloko jarduerei.
Datozen egunetan argitaratuko
Gainerakoa 180.000 euroak zentroen beraien egoera hobetzera bideratutako jardueren gastuak osorik edo zati batean finantzatzera bideratuko da; esaterako, ezbeharrek eragindako kalteak konpontzeko, traba arkitektonikoak kentzeko, euskal etxe berriak eraikitzeko, gazteentzako lekuak egokitzeko eta gazteen zein emakumeen jardueretan teknologia erabiltzeko, dio deialdiak.
Deialdia argitaratzen denean emango dugu atzera horren berri orrialde hauetan.
Lagun bati bidali
Komentarioa gehitu
