euskalkultura.eus

Vitoria-Gasteiz. Eusko Jaurlaritzak atzerriko gizataldeen eta euskal etxeen eremuan espezializatzeko beken esleipena argitara eman du. Guztira hiru beka izan dira esleituak eta bekadunek urtebetez euren eginkizunak Kanpo Harremanetarako Idazkaritza Nagusiaren bulegoetan egingo dituzte. Aurkeztutako hautagaien eskabideak aztertu ostean bekak jasoko dituztenak Iker Blas Mendoza, Aimar Rubio Llona eta Asier Ortega Murga dira. Hiruetako baten batek postua bete ezin izango balu, edozein arrazoi dela eta, ordezko zerrenda bat ere argitaratu du Jaurlaritzak: Ibai Iriarte San Vicente, Xiber Mendia Bereciartu eta Edurne Uriarte Saracibar.

Esleipena osotasunean irakurri edo aukeratuak izan ez direnen zerrenda kontsultatu nahi dutenek, hemen aurkitu ahal izango dute.

Deialdiaren oinarriak eta baldintzak kontsultatu nahi dituztenek, bere momentuan EuskalKultura.com-ek argitaratu zuen artikulu honetan irakur ditzakete.