euskal diaspora eta kultura
2012/01/27
PUBLIZITATEA
Donostia-San Sebastian. Euska Herriko zinemagile, artista, musikari eta zinemazale talde bat ari da sustatzen 'Ainara' filmea. Iparraldean du sustraia luzemetraiaren istorioak, baina bere adarrak Euskal Herrian eta Diasporan zehar zabaltzen dira. Izenburuko 'Ainara' AEBetan aitarekin hazi den neska baxenafartarra da. Herentzian jaso du Iparraldeko familiaren etxea eta bertara bueltatzean, etxean izkutatuta aurkitzen du Aitor izeneko gizon misteriotsu bat. Maitasun istorioa labur baina indartsua izango dute Ainarak eta Aitorrek, eta filmean, horren berri jasoko dugu inguruetan inspirazio bila dabilen Ugo marrazkilariari kontatzen dizkioten pasarte eta istorioen bidez.
Jean Darrigol da filmearen zuzendaria eta gidoilaria, eta momentuz, parte hartzeko interesa agertu dute Oihana Maritorena (Ainara) aktore euskaldunak; Tomas Arana (Aitor) aktore euskal-amerikarrak ('Gladiator', 'L.A. Confidential'); eta Nicolas Cazalé (Ugo) frantziarrak ('Caótica Ana').
Zuk ere parte har dezakezu
Luzemetraiaren aurrekontua milioi bat eurokoa da eta arduradunek proiektuan %30arekin parte hartu nahi euskal produktore baten hitza dute jada. Ekimena babesten duten erakundeen artean Euskal Kultur Erakundea, Eusko Ikaskuntza, Baionako Euskal Museoa, Euskal Euro-Hiria eta Zortzi Probintziak elkartea daude.
Orain, arduradunek Diasporako zein Euskal Herriko zinemazaleak bildu nahi dituzte ekimenera. Horretarako webgune honetan ekimenaren berri zabaltzen ari dira, eta parte hartzeko zazpi bide proposatzen dituzte:
-Urrezko liburuan sinatuz
-Webgunea euskarara, gaztelaniara eta ingelesera itzultzen lagunduz
-Filmearen iragarki eta afitxeetarako diseinua proposatuz
-Finantziazioa biltzeko dohaintzak eskertzeko ideiak emanez: ordain artistikoa (errodajeko setera bisita, izena kreditoetan, extra bezala parte hartzea...), turistikoa (Euskal Herria ezagutzeko bidaiak) edo profesionala (enpresa logoak iragarki eta hedapen materialetan, product placement-a)
-Grabaketarako lokalizazioak proposatuz.
-Extra bezala arituz
-Ekimena zabalduz lagun, senitarteko eta lankideen artean
-Inbertsore edo ko-produktore bezala parte hartuz (eta filmeak ematen dituen irabazietan ere parte hartuz)
Ainarak Amerikatik
Jean Darrigol zuzendaria eta gidoilairiaren amaren familia baxenafartarra da, Aldude bailarakoa. Bertan dirau familiaren etxeak, Harritxiloak, eta bertan igarotako haurtzaroak eta etxeak berak isla dute filmean. "Hamaika anai-arreba ziren eta zenbait Ameriketara joan ziren artzain, inguruko seme-alaba askok bezala. Gehienak itzuli egin ziren, baina bat, Mixel (Michael han) Muchico, Kalifornian gelditu eta bertan hil zen, 70. hamarkada hasieran", azaldu dio Darrigolek EuskalKultura.com-i. "Urte batzuk beranduago, ni neu Kalifornian bizi nintzela, bere hilobia aurkitu nuen, kostata, Fresnon. Familiako inork bisitatzen zuen lehen aldia zen".
AEBetan bizi izan zen urte horietan Darrigolek Tomas Arana aktorea ezagutu zuen Los Angelesen. "Gogoan dut ere Joshua Tree desertuan galdu eta euri zaparrada izugarri baten erdian lagundu zidan Ranger indiarra. Artzain euskaldunak bere erreserban ikusi zituen lehen kanpotarrak izan zirela esan zidan", gehitu du. "Bazen han zer edo zer mugarik gabea eta askea... eta horixe bera du Ainarak ere. John Houston-en 'The Misfits' filmeko protagonisten alaba izan zitekeela pentsatzea gustukoa dut. Bera beste leku batekoa da, ainarak (txoriak) bezala, eta bere jatorriari buruz amesten duenean ederragoa eta biziagoa amesten du. Diasporaren amets horren eta errealitatearen arteko talka filmearen gaietako bat da".
-"Ainara" filmearen webgunea, hemen
Zinema abentura eder hau Senperen (Iparralden) ezagutu ahal izango duzue, maiatzaren 13an ospatuko den Herri Urratseko aurtengo edizioan, "Ainara" filmaren ordezkaritza garrantzitsu baten eskutik. "Ainara" filmari eta Euskal Herriko egile-zinemari bultzada bat emateko aukera ere izango duzue han bertan egongo den Babes Liburuan sinatuz. Animatu eta etor zaitezte Herri Urratsera Ainara ezagutzera!
Maite Azurmendi Jimeno, 2012/04/18 20:27
Koro, estra bezala parte hartu nahi baduzu, sartu mesedez artikuluan eta komentarioetan dauden erantzunetan aipatzen den webgunean, hor daukazu-eta parte hartzeko informazio guztia. Edo, bestela, utzi zure emaila, proiektuko lankideeak zurekin harremanetan jarri ahal izan daitezen. Zorte on!
EuskalKultura.com erredakzioa, 2012/04/16 15:43
Arratsalde on, Extra bezala parte hartzea gustatuko litzaidake. Eskermilla.
koro., 2012/04/16 15:12
http://ainara-hirondelle.blogspot.com/2012/02/ainara-rako-aurrikusten-den-egutegia.html
Jérôme, 2012/02/07 14:25
Proiektu polit honetan extra bezala parte hartzea gustatuko litzaidake. Eskerrik asko! eoihana@hotmail.com
Oihana Estarrona, 2012/02/07 13:27
Estra bezala parte hartuko nuke poz-pozik.
zalduendober@hotmail.com, 2012/02/07 12:53
Kaixo! neri errodajeko ekipo teknikoan parte hartzea gustatuko litzaidake. edozein lanetan parte hartu ahalko nuke. nirekin kontaktuan jartzeko: zaku_zak@hotmail.com
Izaskun, 2012/02/07 11:33
Extra bezala parte hartuta gustura lagunduko nuke. xiberp@hotmail.com
Xiber, 2012/02/07 11:12
Helaraz iezaiezu mezu hau zure hurbilekoei, parte hartu ahal izan dezaten eta beraien hurbilekoei helaraz diezaieten --> https://docs.google.com/document/d/17P0Xy5vaL4wdQPh_s0rjouwjUNqr_Higz99mSAJ3Aao/edit
Jérôme, 2012/02/01 14:29
HEMEN klikatu “Livre d'Or” babes-liburua sinatzeko --> https://docs.google.com/spreadsheet/viewform?hl=fr&formkey=dGdDaGVkdzZLVndtbXdWQ2ZRekJLYUE6MQ#gid=0
Jérôme, 2012/02/01 14:27
HEMEN klikatu proiektuaz informazio gehiago lortzeko --> http://ainara-hirondelle.blogspot.com/p/euskara.html
Jérôme, 2012/02/01 14:25
Aktoreak behar izanez gero, begiratu www.actoresvascos.com
belen, 2012/02/01 13:16
Extra bezela azaldu behar bada hementxe naukazue.
Julen Lekuona Barrenetxea, 2012/02/01 01:09
Extra bezala parte hartuko nuke gustura miren_rico@hotmail.com
Miren, 2012/01/31 19:04
Itzulpengintza arloan interesa dut eta informazioa nora bidal dezakedan jakin nahi dut. Bidalidazue informazioa e-posta honetara mesedez: ttipittapagaztelekua@gmail.com Mila esker.
Itzultzaile, 2012/01/31 18:27
extra bezala edo eta itzulpengintzan arituko nintzake gustura ni ere!
Miren3181@hotmail.com, 2012/01/31 15:50
Estra bezala parte hartuko nuke gustura
JOXEBA LIZEAGA, 2012/01/27 23:08
Estra bezala parte hartuko nuke oso gustura
itxaro@irakasle.net, 2012/01/27 18:57
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
Lagun bati bidali
Komentarioa gehitu