euskalkultura.eus

Paris, Frantzia. Expolangues Azokaren hogeita zortzigarren edizioak gaur zabalduko ditu ateak Parisen, bertan Eusko Jaurlaritzak euskarari propio eskainitako standa ezarriko duela eta baita Euskarabidea Nafarroako Gobernuko euskara institutuak ere; Cervantes institutuak ere euskara ikasteko dituen arraztasunak aipatuko ditu bere standean.

Azokaren aurtengo edizioak hizkuntza eta kultura katalana hautatu ditu gonbidatu berezi gisa, "Katalana, 10 milioi europarren hizkuntza" lelopean. Karia horretara katalana mintzatzen den herrialdeetako kultur erakunde eta erakunde publiko ugari pariseratu da.

Kultur erakundeen artean, Institut Ramon Llull eta Institut d'Estudis Catalans buru, hamarnaka dira bertaratu diren katalana irakatsi, sustatu eta lantzeko elkarteak, tartean eskolak, unibertsitateak eta talde katalanzaleak. Gobernu erakundeen aldetik, katalana mintzatzen den herrialde guztietakoak, Andorra, Espainia, Frantzia edo Italian, hala nola Andorrako Gobernua, Generalitat de Catalunya, Govern de les Illes Balears, Ekialdeko Pirineoetako Kontseilu Generala edo Alguer-eko Hiria.

Azokak 176 erakusle bilduko ditu eta datorren larunbatean itxiko ditu ateak. Joan den urteaari bagagozkio, 22.000 bisita jaso zituen, profesionalak batetik, hizkuntz irakaskuntza, itzultzailetza, interpretaritza, atzerriko formakuntza eta turismo alorrekoak; eta baita publiko orokorraren aldetik.

-Azokaren webgunea: www.expolangues.fr
-Institut Ramon Llull: www.llull.cat
-Institut d'Estudis Catalans: www.iec.cat
-Euskara Eusko Jaurlaritza: www.euskara.euskadi.net
-Euskarabidea Nafarroako Gobernua: www.euskarabidea.es
-Euskal Kultur Erakundea Iparraldea: www.eke.org