euskalkultura.eus

Diasporako euskal gizataldeek sortutako ataria da EuskalEtxeak.net, eta bertan munduko euskaldunek bidalitako argazki artxibo mardula dago ikusgai. Berriki, artxibo horri beste ia 4.000 argazki gehitu dizkiola jakinarazi du webguneak. Bilduma honetan milaka argazki biltzen dira eta euskal etxeek jarduerak, eguneroko bizitza, bazkideak... ikus daitezke bertan. Artxiobo honetan murgildu eta Diasporako euskaldunen munduan ikusmiratzeko gonbitea luzatzen dizuegu.

Vitoria-Gasteiz. EuskalEtxeak.net atariak jakinarazi duenez, 3.724 argazki berri ikusgai dira bere Artxibo Digitalean. Artxibo mardula da hau, aurretik beste 22.055 argazki zituelako. Horiei guztiei, gainera, Urazandi Digital bildumako 22.178 argazkiak gehitu behar zaizkie.

Munduko euskal elkarteek bidalitako argazkiak dira gehienak, euren ekitaldi eta jardueren berri emateko helburuarekin. Bilduma, esan bezala, oso zabala da, baina bertan nabitzeko hainbat aukera ematen ditu atariak: bildumaka, kategoriaka; herrialde, hiri edo euskal etxearen arabera, edota erabiltzailearen arabera.

Irudi berriak eta aurreko artxiboko argazkiak ikusi nahi badituzu, jo hona.

EuskalEtxeak.net gonbitea luzatzen die munduko euskal etxeei eta Diasporako euskaldunei euren argazkiak artxibo honetara bidal ditzaten. Horretarako, nahikoa da irudiak e-mailez info@euskaletxeak.net helbidera bidaltzea edo EuskalEtxeak.net-en Facebook orrian partekatzea.