euskalkultura.eus

Bordele, Frantzia. Bordeleko Eskual Etxeak euskara irakas dezaketen pertsonak behar ditu 2013-2014 ikasturterako, euskal elkartearen baitan antolatuta dauden klaseen kargu egin daitezen. 

Sartzea irailaren 23an izanen da. Klaseak arratsaldeko 6 t'erdietatik 9ak arte izaten dira, Eskual Etxean, astelehenetik asteazkenera. Ikasle talde bakoitzak saio batean parte hartzen du astero.

Irakasle batek, bere ordutegiaren arabera, bat, bi edo hiru talde hartzen ahal ditu astean zehar. Baldintza ekonomikoei dagokienez, irakasleak 45€ jasoko du, 2 ordu t'erdiko saio bakoitzeko. Ikasturtean zehar, saioen kopurua 25etik 30era bitartekoa izanen da. 

Euskalduna baldin bazara eta irakaskuntza interesatzen bazaizu, kontaktu hartu Patrick Urruty Gau Eskolako arduradunarekin, hona idatziz: gaueskola@eskualetxea.org; edo telefonoz hona deituta: (33)(0)685-553737.