Concordia, Argentina. Aurreko artikulu batean aurkeztu genuen Agustina Lorenzatto, baita Kultura Erregina izateko bere hautagaitza defendatzeko eskaini zuen antzerkizunaren berri eman ere (ikus bideoa). Antzezpenean hitza eta gorputza jarri zien "Inkisizioak sorgin eta heretiko izatearen akusaziopean erretako euskal emakumeei" eta deia egin zuen hausnartzeko "genero indarkeriaren egungo errealitateaz". Oraingoan, berriz, Zorionak ozen bat dagokio, joan den asteburuan, igandeko ordu txikietan sartuta, Immigrantearen XXVIII. Jai Probintzialeko Kultura Erregina.koroatu baitzuten.
Erregina berriaren Zorionak bere Euskal Etxeari honen 39. urteurrenean
Erregina koroatu osteko lehenengo hitzak
Gizarte Komunikazioko goi mailako teknikaria eta kazetariada Agustina Lorenzatto, XIX. mende mende amaieran Argentinara emigratutako nafarren ondorengoa eta Concordiako Euskal Komunitatea ordezkatu zuen ekitaldian. Italiar Komunitateko Nicole France Erreginaordea aukeratu zuten, eta ondorengo lekuetan suitzar kolektibitateko Inés Casarré eta Jacqueline Klaus alemaniar ordezkaria.
Agustina Lozenzatto kazetari ari da Concordiako zenbait hedabidetan. Duela bi urte dira hiriko Ibaiko Izarra Euskal Etxeko partaide dela, eta Kultura Erregina bilakatzeko prozesuan euskal emakumean oinarritutako ikerketa bat aurkeztu zuen.
Lagun bati bidali
Komentarioa gehitu
