euskalkultura.eus

Donostia-San Sebastián. 3digitala Eusko Ikaskuntza eta Euskomedia Fundazioak sortu duten irudi-banku digitala da eta publizista, argitaletxe zein ikus-entzutezko ekoizleei zuzenduta dago. Hala ere, webguneak Euskal Herriari buruzko irudi artxibo zinez zabala eskaintzen du, eta, hori dela eta, mundu osoko euskaltzaleentzako ere interesgarria izan daitekeela uste dugu.

Webguneak Euskal Herriko paisaia, kultur ondarea, historia eta gizarteari buruzko ia 50.000 argazki biltzen ditu. Horiek guztiak ikusteko errazena webgunean sartzea eta ikusmiratzen hastea da. Horretarako bildumak egileen arabera, gaiaren arabera edo kokapenaren arabera araka daitezke. Lekuaren arabera, esaterako, hauxe da aukera:

ÁLAVA-ARABA (2173)

GIPUZKOA (9251)

NAVARRA (17790)

BIZKAIA (1736)

LAPURDI (631)

NAFARROA BEHEREA (224)

ZUBEROA (673)

kokapenik gabea (11305)

Erabiltzaileek argazkiak erosteko aukera dute, izan profesionalki argitalpenen batean erabiltzeko, edo izan argazkia inprimatu eta aukeratutako tamainan etxean jasotzeko.

Horrez gain, webgunea Euskal Herriari buruzko argazkiak erakutsi eta saldu nahi dituzten egileentzako erakuslehioa izan daiteke ere. Zure argazkiak 3digitala.com-en jarri nahi badituzu, jarri harremanetan arduradunekin, hemen.