Buenos Aires, Argentina. Hiriburu argentinarrarenn bigarren fundazioaren 439. urteurrena bete zen atzo, eta baita ospatu ere, bertako euskal gizataldeak partaidetza nabaria izan zuen urteurren zeremonia tarteko. Omenaldia, hiriaren sortzailearen omenean, Juan de Garay Plazatxon egin zen, Etxe Arrosatik metro batzuetara eta Gernikako Arbolaren kimua lekuko. Joaquin Sucunza apezpikuak bildutako jendea bedeinkatu ondoren, Euskadiren ordezkari Sara Pagolak eta Juan de Garay Fundazioko lehendakari Diego Ibarbiak lore eskaintza utzi zuten Juan de Garayren oroigarriaren oinarrian.
Ereserki argentinarra abesteko orduan, Patricios erregimentuko bandak jo zuen eta Euskal Echea Eskolako neska-mutilek banderak altxa zituzten.
Gogora dezagun Buenos Airesen bigarren fundazioa --aurrekoa ez bezala egungo lekuan gertatua-- 1580ko ekainaren 11an gertatu zela. Lehenengoa, berriz, 1536ko otsailean izan zen, euskal jatorrizko beste espedizioburu baten esku: Pedro de Mendoza.
Lagun bati bidali
Komentarioa gehitu
