euskalkultura.eus

Bilbo, Bizkaia. Datorren martxoaren 6an Bilboko Euskararen Etxea euskal blogosferaren bilgune bilakatuko da, Azkue Fundazioak eta Argia aldizkariak antolatu duten Blogetan! Euskal blogariak lehian lehiaketaren sari-banaketa ekitaldia dela eta. Hamabi finalista daude lehian, lau kategoriatan. Kategoria bakoitzean irabazle bakarra izango da. Hauek dira finalistak!

Sari banaketarekin batera, euskarazko blogei buruzko jardunaldia antolatu dute elkarteek, eta hainbat aditu gonbidatu dituzte gai honen inguruan hausnarketa egin eta solasteko. Jardunaldi hau doakoa eta guztiz zabala izango da. Arratsaldeko 17:00etatik aurrera.

Egitaraua

-Ongietorria eta aurkezpena. Iurdana Acasuso, Azkue Fundazioaren zuzendariaren eskutik.

- Ikuspegi teorikoa: Blogen ikuspegia marko teoriko batetatik aztertuta. Gorka Palazioren eskutik (@palazio), Euskal Herriko Unibertsitateko Ikusentzunezko Teknologietan Katedraduna.

-Blog arrakastatsuak eta euskaraz oso anitzak dira. Atal honetan adibide batzuk ikusteko aukera izango dugu, protagonisten eskutik zuzenean, eta beraien esperientzia kontatuko digute:

• Imanol Epelde (Etxepare Rap eta 27 zapata blogak)

• Oier Peñagarikano (Itsumustuan bloga)

• Amaia Nicholson (Hazitegia bloga)

• Iñigo Errasti (31eskutik.com - EIZIEren egitasmoa)

-Blogak enpresa eta marketin ikuspegi batetik. Lucas Aisa (@calvoconbarba) zaragozakoa da, sarean ezagunagoa da Calvo con Barba ezizenagatik. Marketinean eta online estrategietan aditua da. Sozial media gaia maisuki tratazen du bere blogean: calvoconbarba.com Pertsonaia xelebrea dugu Lucas!

-Mahai-ingurua:  Blogak gaitzat hartuta, hainbat euskal blogari izango ditugu Blogen errealitate berria aztertzen eta euskarak duen presentzia aztertzen.

Marijo Deogracias (@desplazatua)
Maite Goñi (@euskaljakintza)
Juanra Madariaga
Haritz Rodriguez (@tokitan)

*Gorka Bereziartua (@boligorria) moderatzailea izanik.

-Blogetan! Blog izarren bila lehiaketaren sari banaketa ekitaldia.

-Pintxoak eta networkina

Etorri nahi duzu? Hemen sakatu!