Lanus, Argentina. Lanus hiriak inauguratu berria du bertako Rivadavia Bulevarrean Gizataldeen Plazatxoa izena hartu duen berdegunea. Zeremonian bildutakoei zuzendu zitzaien hiriko alkate Néstor Grindetti eta plaka oroigarria desestali zuen. Jaialdian jatorri askotako gizataldeak aritu ziren partaide, bakoitza bere proposamen gastronomiko, artistiko eta kulturalarekin, norberak bere gizataldearen izaera, errealitate eta ahalegina jendaurretuz.
Euskal gizataldeak ere hartu zuen parte urriaren 27an egindako ekitaldi honetan, hirian osatu berria den Instituto Escuola Euskal Herria Lanuseko Euskal Etxearen eskutik. Miguel Angel Echeverria buru duen taldearen partaidetza bikoitza izan zen inaugurazio ekitaldi honetan.
Standean Euskal Herriko kultura tradizionalari dagozkion hainbat objektu eta ikur jarri zituzten ikusgai. Oholtza gainean, berriz, euskal dantzak eskaini zituen Valeria Vallejos zuzendari duen duen Gure Ametsa dantza taldeak; eta Daniel Mores aktoreak Iñaki Rikarte idazle gasteiztarraren ‘Gris Mate’ antzezlanaren zati batzuk antzeztu zituen.
[Euskaldunak partaide Lanuseko Kolektibitateen Plazatxoaren inaugurazioan]
Lagun bati bidali
Komentarioa gehitu
