euskalkultura.eus

Uda honetan Euskadiko Softbol selekzioak nazioarteko txapelketa batean parte hartuko du Vancouverren, Kanadan, eta euskal etxeetako jokalariei gonbitea luzatu die, bertara bildu, eurekin entrenatu eta esperienzia bikain honetaz goza dezaten. Iaz ere Kanadan izan ziren euskaldunak, eta orduan Vancouverreko Zazpiak Bat euskal etxeko kideak ikurriña eta guzti izan zituzten harmailetan animatzen. Gonbite honekin euskal komunitateari eskerrak eman eta harremanak sakontzeko helburua dute.

Donostia-San Sebastián. Euskadiko Nesken Softbol selekzioak Kanara bidaia egingo du uztailean, Vancouverren kokatuko den naizoarteko txapelketa batean parte hartzeko. Hamahiru jokalari eta bi teknikari joango dira, eta uztailaren 2tik 13ra izango dira bertan.

Selekzioarentzako hau ez da nazioarteko lehenengo txapelketa. 2013an Kuban izan ziren, eta iaz, aurrenekoz, Vancouverren. Bietan, gainera, Diasporako euskaldunen sostengua jaso zuten, taldeko entranatzaile Rafael Llamesek EuskalKultura.com-i azaldu dionez. "Duela bi urte Kuban, hango euskaldunak etorri zitzaizkigun eta iaz, Vancouverren, bertako Zazpiak Bat Euskal Etxeak eman zigun sostengua itzela izan zen. Partidetara etorri ziren, ikurrina eta guzti, eta gainera barbakoa batera gonbidatu gintuzten, elkarteko kideekin. Eurekin hitz egin genuen, abestu.. hunkigarria izan zen", adierazi digu Llamesek.

Kontaktu horiek direla eta, selekzioak euskal diasporarekin harremanak sakontzeko asmoa agertu du. Halatan, Llamesek gonbitea luzatu die euskal etxeetako softbol jokalariei (kasu honetan Kanada eta AEBkoei) Vancouverrera joan eta eurekin entrenatzeko, animatzeko, jokatzeko.. finean, esperientzia honetaz gozatzeko. Euskal Herrian softbol-a tradizio handirik gabeko kirola da, baina AEBetan, esaterako, ezagunagoa da, han beisbolak indar handia duelako. Euskal selekzioak nazioartean bere lekua lortu nahi du eta euskal etxeen babesa eskatzen du bere burua ezagutzera emateko..

-Euskadiko Nesken Softbol Selekzioarekin harremanetan jartzeko, idatzi hona
-Euskadiko Beisbol eta Softbol Federazioaren Facebook orria, egizu klik hemen.