euskalkultura.eus

Buenos Aires, Argentina. Azken urte honetan turismoa sustatzeko asmoarekin gauzatutako proiektuez baliatu da Elvira Kortajarena Euskadiko Turismo Hilabetea inauguratzeko. “Patxi Lopez Lehendakariak Kanpo Harremanetan bultzatutako estrategiaren barruan kokatzen duen proposamen honen bidez, garrantzi handiko gauza batzuk lortu ditugu. Horie artean azpimarratu nahiko nuke Air Europa konpainiaren eskaintza eta FAMTOUR-12 bidai-antolatzaileekin eta La Nación Argentinako egunkariko Turismo-eranskineko editorearekin egindako bidaia. Helburua zen saltzaileak 'Euskadi produktu'-an trebatzea, bere eskaintza turistikoan hartzeko errazteko moduan", azaldu zuen Kortajarenak.

Beste alde batetik, Lakuako Gobernuaren ordezkariak Euskadi helmuga turistiko gisa sustatzeko egindako beste ekintza batzuk aipatu zituen bere hitzetan, tartean, 2010eko Argentinako FIT - Nazioarteko Turismo Azokako Espainako Turismo Bulegoaren stand-ean izandako presentzia, Tucuman, Mendoza eta Mar del Plata hirietan gauzatutako aurkezpenak eta euskal etxeetara egindako bisitaldiak.

[Gizarte arlo askotako ordezkariak bildu ziren La Plaza paseoko VIP aretoan (argazkia EuskalKultura.com)]

Arlo askotako gonbidatuak hurbildu ziren joan den ekainaren 16an inaugurazio-koktelera, horien artean euskal enpresariak, turismo agentzietako operadoreak, hedabideak, beste kolektibitate batzuetako ordezkariak eta euskal gizataldeetako kide batzuk, esan nahi baita 'Euskal Echea' Institutuko Enrique Fagoaga, 'Gure Echea' euskal etxeko Hector Leiro eta Juan de Garay Fundazioko Mauricio Goyenechea.

 [La Plaza paseoko VIP aretoaren sarrera]

Euskadi Turismo Hilabetea uztailaren 10era arte luzatuko da, La Plaza Paseoko VIP aretoan. Kulturgunera bisitan espero diren hamabi mila pertsonek Euskadiko eskaintza turistiko zabala ezagutzeaz gain Buenos Airesko Sagardi jatetxeak prestatutako euskal pintxoak eta Mendozako Goyenechea Upategiko ardoa dastatzeko aukera izango dute.