euskalkultura.eus

Frankfurt, Alemania. Euskal literaturak lekua izan du aurten ere Frankfurteko Liburu Azokan, Etxepare Euskal Institutuak, Euskal Editoreen Elkarteak eta Euskadiko Editoreen Elkarteak jarri duten standaren bidez. 

Laura Ferrero editorea aritu da lanean Frankfurten euskal liburugintzaren ordezkari, eta bateko eta besteko editore eta argitaletxeekin bildu da, Euskal Herrian ekoitzen diren lanen berri emateko. Etxeparek aditzera eman duenez, Ferrero pozik agertu da hainbat nazioarteko argitaletxerekin egindako bileren eta harremanen emaitzarekin.

Interneten '10 Books from the Basque Country 2013'

Bestalde, Etxeparek "10 Books from the Basque Country" katalogoa ekarri du azokara. Argitalpen honetan jatorriz euskaraz idatzitako 10 liburutik ateratako laginak bildu dira, gaztelaniara eta ingelesera itzulita. Etxeparek sarean jarri du argitalpena: 10 Books from the Basque Country 2013.