Reno, AEB. Azkeneko asteotan, bizi dugun koronabirusaren krisiak modu berezian eragin ditu Estatu Batuetako gure diasporan bizi diren euskal bertsolari eta sortzaileak. Gaurkoaren aurretik emanak ditugu Kaliforniako Chinoko Begoña Echeverriak Covid-19a zuela Baztanen hildako bere izebari eskainitako kantu eta hitzak; eta Wyoming-tik Martin Goicoechea bertsolariak, NABOko Euskara arduraduna ere badenak, Koronabirusaren bertsoen oparia egin zigun. Oraingoan, berriz, Renoko Jexux Goñi da bere-berea duen estiloan gai bera harturik Koronabirusari bertsoak eskaini eta bideo gisa plazaratu dituena.
Ez pentsa, azken emaitza denik, ondoko egunetan, beste bertso batzuk ere baditugu-eta euskara garbian Estatu Batuetako Mendebaldetik igorriak.
Gaurkoan, baina, izatez Oronoz-Mugairikoa den baina gaztea zenetik Nevada Renoaldean bizi den Jexux Goñirenak dira bertsoak. Mila esker Jexux berari eta NABOko Kate Camino eta Lisa Corcosteguiri.
Jesus Goñi bertsolaria Nevadako Renotik, etxetik, bertso kantari (bideoa NABO)
Lagun bati bidali
Komentarioa gehitu
