La Plata, Argentina. Emakumearen Egunaren baitan kolektibitateetako emakume nabarmenak izendatu eta gailentzen ditu urtero La Platako hiriak. 2019 honetan, eta bertako Euzko Etxeak proposaturik, Maria Fernanda Astigarraga izango da euskal gizataldeko emakume saritua. Astigarraga Liburuzaintza eta Dokumentazioan lizentziatua da, baita Euskal Etxeko batzordeko kide ere, Matxin Burdin Liburutegiko arduraduna izan da eta euskara ikaslea.
Euskal arbasoduna da Maria Fernanda. Aitaren aldetik. Maria Teresa Arrizabalaga amona, bizkaitarra zuen, Artean jaioa; Sebastian Astigarraga aitonaren aurrekoak, berriz, gipuzkoarrak ziren, Elgoibarkoak.
Emakume Nabarmena sariaren emate-aldia martxoaren 8an egingo da, iluntzeko 7etan, La Platako “Islas Malvinas” Kultur Gunean, 19 eta 51 kaleetan..
Lagun bati bidali
Komentarioa gehitu
