euskalkultura.eus

Donostia, Gipuzkoa. Andres de Urdanetari buruzko ikastaroaren uztailaren 21ean hasiko da, A Coruñako Unibertsitateko irakasle Luis Alonso Alvarezen La organización del viaje de Loaysa y la Casa de Especiería de Andrés de Urdaneta hitzaldi batekin, Donostiako Miramar Jauregian. Atsedena ostean, Carlos Martinez Shawek, Madrilgo UNEDeko irakasleak, Después del tornaviaje. Filipinas y el espacio del Pacífico en el siglo XVI izenburudun berbaldia egingo du. Lehen jardunaldia AEBetakoko Medfordeko Tufts University-ko Felipe Fernandez Armestoren Urdaneta y la Exploración del Planeta solasaldiarekin amaituko da.

Uztailaren 22an EHUko Ekonomia eta Enpresari Zientzietako fakultateko Patxi Zabalok El Actual Proceso de Globalización desde la Perspectiva Histórica hitzaldia gidatuko du Miramarren. Alvaro Aragonek, EHUko Filologia eta Geografia eta Historiako fakultateko irakasleak, La evolución de la Economía Guipuzcoana en tiempos de Urdaneta: un período de desarrollo y expansión entre supuestas crisis berbaldiarekin amaiera emango dio bigarren jardunaldiari.

Filipinetako eta Peruko partaideak hirugarren jardunaldian

Ikastaroaren azkeneko egunean klaseak bi toki ezberdinetan egingo dira. Donostiako Miramar Jauregian, Salvador Arriolak Mexikoko kontsul nagusiak Sao Paulon (Brasil) honako hitzaldia eskainiko du: Relaciones Transpacíficas en los siglos XVI-XIX. Jarraian, Benito Legarda Filipinetako Banku Nazionaleko lehendakari ohia Intercambio comerciales en el sudeste asiático después de la consolidación del Galeón de Manila solasaldiaz arduratuko da. Raul Eduardo Bao Garciak, Porreseko San Martin Unibertsitatetik etorria (Peru), hirugarren jardunaldia itxiko du El Galeón de Manila y Perú hitzaldiarekin.

Arratsaldean, 19:00etan, Salvador Arriolak, Benito Legardak eta Raul Eduardo Bao Garciak Ordiziako Udaletxean egingo den mahai inguruan parte hartuko dute. Bertan La contribución de Andrés de Urdaneta al desarrollo económico y cultural de la zona del Pacífico gaiari buruz hitz egingo dute.

Ikastaroko matrikula

Matrikularen prezioa 84 eurokoa da eta ikastaroan interesa dutenek Andres de Urdanetaren webgunean lor dezakete programaren informazio osoa.

Matrikularen gestioa egiteko:

Cursos de Verano / Uda Ikastaroak (cursosverano@ehu.es).
Apdo. 1.042. E-20.080 Donostia-San Sebastián / Tel. (+34) 943-219-511 /
943-219-751; Fax. (+34) 943-219-598.
www.sc.ehu.es/cursosverano