euskalkultura.eus

Data berria Maiatzaren 8a da, igandea. Egunbete atzeratzearen arrazoia, "larunbatean, ordutegi berean, Marijuanaren Legeztapenaren aldeko Martxa bat deitu izana da, Nazioko Kongresuraino, Mayo Etorbidetik". Hitzordua, beraz, Maiatzaren 8an, eguerditik (12:00) 18:00ak arte Mayo Etorbidearen eta Bolivar inguruan, Buenos Aires hiriburuan.

Buenos Aires, Argentina. Ekitaldiko antolatzaileek atzo adierazi zuten data berria, "larunbatean, ordutegi berean, Marijuanaren Legeztapenaren aldeko Martxa bat deitu dutelako, Nazioko Kongresuraino, Mayo Etorbidetik". Ekitaldirako, propio dator Euskal Herritik Asier Vallejo Itsaso, Eusko Jaurlaritzako Kanpoan den Euskal Komunitatearentzako zuzendaria, Andoni Martin teknikariarekin batera.

Gainerako xehetasunak bere horretan utziko dira, baina dena den, edozein balizko aldaketa sare sozialen bidez jakinaraziko da, esan nahi baita festa honen  2016ko edizioak Facebook-en zabaldu duen kontuaren bitartez.

Gogora dezagun 'Buenos Aires celebra' izenarekin ezagutzen den jaialdia Argentinako hiriburuko Udalak kanpoko kolektibitateen omenez antolatzen duen ekitaldi sail bat dela. Euskal gizataldearen kasuan bosgarren edizioa izango du eta aurrekoetan bezala Buenos Airestik ezezik, herrialde osoko zenbait euskal etxetatik etorriko dira jend eak.

Laurak Bat antolatzaile baina beste hainbat euskal etxe lagun, 2016ko ‘Buenos Airesek Euskal Herria ospagai’ jaia Euskal Echea Institutuko ikasleen kabalkadarekin hasiko da eta arratsaldean zehar hamaika kultur adierazpen eskainiko dizkio publikoari, tartean danborrada, dantza eta musika ikuskizunak, txikientzako aktibitateak, sukaldaritza klase magistrala Itziar Aguirre eta Arantxa Soraluceren eskutik eta, nobedade gisa, Euskal Herriari buruzko bideoak eta Arte Galkorraren txapelketa, lanak klarionez eginik. “Nornahi dago gonbidatuta parte hartzera. Bakoitzak adierazi beharko du zer den berarentzat ‘Buenos Aires Celebra’ jaialdia”, azaldu dio Euskalkultura.com-i Laurak Bateko lehendakari Arantxa Anituak.

Programa orokorrari dagokionez, hauexek dira orain arte baieztatuta dauden partaide eta ekintzak. Euria eginez gero, jaia hurrengo egunera –maiatzaren 8ra– aldatuko da. Informazio berria BA Celebra al País Vasco Facebook kontuan ipiniko da.

Parte hartuko duten dantza taldeak

Chacabucoko Guillermo Larregui
Cañuelaseko Denak Bat
Chivilcoyko Beti Aurrera
Lomas de Zamorako Denak Bat
Arrecifesko Euskaldunak Denak Bat
Chascomuseko Zingirako Euskaldunak
Buenos Airesko Euskal Echea Eskola (Lavallol)
Buenos Airesko Euskal Echea Eskola (Sarandi)
Villa Mariako Euzko Etxea
La Platako Euzko Etxea
Rosarioko Zazpirak Bat
J. C. Pazeko Toki Eder
Buenos Airesko Ekin Dantzari Taldea
Buenos Airesko Laurak Bat
Buenos Airesko Euskaltzaleak
Pergaminoko Lagun Onak

Musika

Buenos Aireseko Ixilik Taldea
Lagun Onak Abesbatza

Stand gastronomikoak

San Nicolaseko Euskal Etxea
Buenos Airesko Laurak Bat
Buenos Airesko Euskaltzaleak
Txindoki Taldea

Jatetxeak

Mesedez Jatetxea
Getxo Jatetxea
Lomas de Zamorako Euskal Etxeko Jatetxea
Koko Egozkue Jatetxea
Sagardi Jatetxea
Txindoki Taldea
Boro Paellas
Euskal Sukaldaritza Astearen jatetxe partaideak

Euskal oroigarriak

Laurak Bat Euskal Etxea
Silvia Azpiazu
Euskaltzaleak Euskal Etxea
Eliana Dubarry
Andrea Aragón
Gure Gutiziak

Erakundeak

Euskadiren Argentinako - Mercosur Ordezkaritza
FECOBA
Euskal Argentinar Merkataritza Ganbera

Herri Kirolak

Gral. Las Herasko Zazpirak Bat

Dendak

El Mundo esnekiak (Ospital)
Isla Negra txokolateak
Recondo Euskal Bijouterie
Cafe Martinez kafetegia
Food Truck – Coca Cola edariak
El Vasquito paletak
Agrale (kolaboratzaile)