euskalkultura.eus

Vitoria-Gasteiz. Ekainaren 28an jasoko du 'Euskal Herritar Unibertsala' 2010 saria Edurne Pasabanek Gasteizen Lehendakaria buru egingo den ekitaldian. Aurtengoa hamalaugarren edizioa du sariak, lehenengoz 1997an Laboa monsinoreari eta Eduardo Chillidari eman zitzaionetik.

Julian Celaya Kanpoan diren Euskal Herritarrentzako eta Gizataldeentzako zuzendariak eta Juan Cid Euskadiko Kutxako Komunikazio eta Sustapen zuzendariak adierazi zuten komunikabideen aurrean astelehenean eginiko agerraldian epaimahaiaren berri, Lehendakaritzaren egoitzan.

Sariak, persona, elkarte, erakunde edo instituzio batek Euskadiren irudi positiboa zabaltzeagatik garatutako ekintza personal edo profesionala nabarmendu nahi du. Eusko Jaurlaritzak eta Euskadiko Kutxak, elkarrekin sortu zuten 1996an Euskal Herritar Unibertsala Saria, eta hurrengo urtean banatu zen lehen aldikoz.

Pasaban (Tolosa, Gipuzkoa, 1973) 8.000 metro baino gehiago dituzten munduko 14 mendiak igotzen aurreneko emakumea izan da. Epaimahaikoek mendizale tolosarrak Euskadiren izena ludi osoan eraman izana eta "diziplina, ahaleginean irautea eta irrika" bezalako balioekin lotzea azpimarratu dute, "helburuak gainditzeko eta etengabe jarduteko" adibide bilakatuz.

Aurreko sarituak

-2009 Javier Aguirresarobe eta Mikel Urmeneta
-2008 Juan Mari Arzak
-2007 Bilboko Guggenheim Museoa
-2006 Auñamendi Argitaletxea
-2005 Joaquin Achucarro
-2004 Joane Somarriba
-2003 Ainhoa Arteta eta Martin Ugalde
-2002 Xabier de Irala
-2001 Pablo Mandazen “Hermano Ginés”
-2000 Juan Oiartzabal eta Jon Sobrino S.J.
-1999 Pedro Miguel Etxenike
-1998 Donostiako Orfeoia eta Jorge Oteiza
-1997 Laboa monsinorea eta Eduardo Chillida