Donostia-San Sebastian. Eusko Alderdi Jeltzaleak bere Batzar Nazionala bildu zuen joan den asteburuan Donostiako Atano III.a pilotalekuan, eta hainbat prentsa titularrek islatu bezala, Andoni Ortuzarrek EBBko presidentetzaren aginte-makila Aitor Estebani pasatu zion. Horrekin batera, bildutakoek, alderdiaren jarduna gidatuko duten ildo nagusiak onartu zituzten. Diasporari lotutako atalean, Oihane Agirregoitia eurodiputatuak koordinatutako "Mundu hobeago, jasangarri eta baketsu batera irekitako nazioa" txostena onartu zen, eta Agirregoitiak berak jendaurretu zuen IX. Batzar Nagusiak onartutakoa, hiru jarduera-ildo zehaztuz.
Horietako hirugarrenean, zuzenean aipatzen da Diaspora eta EAJ-PNVk "honen [Diasporaren] eginkizuna birdefinitzeko konpromisoa hartzen du(ela)" izan ere "politikak eta programak egokitzeko bere potentziala baliatzeko", "Euskal Etxeen egungo eredua, topagune gisa gainditzeko" eta "Euskadiko garapenean eragile aktibotzat hartzea" proposatuz, "Euskadiren garapenean agente aktibotzat hartuz, nazioarteko euskal lobby baten oinarri gisa, partaide direla hainbat eremutako euskal gizaseme eta emakume nabariak, lan egitearren eragina sortzen esparru geografiko desberdinetan, irtenbide berritzaileak identifikatuz eta garapen ekonomiko eta sozialean ekarpentsu izanez".
Euskal proiekzioa munduan hobetzea
Beste bi puntuetan, onartutako dokumentuak azpimarratzen du ahalmen diplomatikoa, kulturala zein ekonomikoa aprobetxatzearen garrantzia, munduan euskal ikusgarritasuna hobetzeko, EAJ-PNVren konpromisoa berretsiz Euskadik bere ahotsa izan dezan, euskal herritarrengan eragina duten erabakiak hartzen dituzten nazioarteko foro guztietan. Horrek esan nahi luke ordezkaritza diplomatikoa izateaz gain, sareak eta aliantza berriak sortzea eta zabaltzea. Euskadi dagoeneko parte den lan-sare ezberdinak sendotzen jarraitzea bultzatuko da; euskal lurralde guztien arteko lankidetza indartuz ‘Zazpiak bat’ sendotzeko; eta Atlantikoko Makroeskualde bat sorturik, eskualde eta estatuek osatua, hala nola Portugal, Espainia, Frantzia eta Irlanda.
Lagun bati bidali
Komentarioa gehitu
