Reno, Nevada, AEB. Euskal komunitateko 29 urteko Renoko gazte nat da Ezti, ezkongabea, 3 urteko alaba baten ama, eta bizitzen ari den osasun egoera larriaren aurrean bere lagunek diru-bilketa kanpaina bat antolatu dute Gofundme plataformaren bidez, ordaintzeko dituen eta ordaintzea tokatuko zaizkion ospitale eta osasun gastu handiei aurre egin ahal izateko. Animalientzako klinika batean bost urtez lankide izan duen Michelle adiskideak antolatu du eskealdia, ikusirik Eztiri iristen hasi zaizkiola fakturak eta bere egoeraren hasieran baizik ez dagoela, eta iragarria dioten 4. faseko birika-minbizia artatzeko froga eta tratamentuak garestiak bere ahalbidetatik kanpo daudela.
Kanpaina atzo abiatu eta berehala, mugimendu handia sortu da sare sozialetan, Ezti ezaguna bere inguruan eta, bereziki euskal komunitatearen baitan ibilia da Udalekuetan, dantzaria izan da Renoko Zazpiak Bat Euskal Etxean, eta bere bizitza eta bere familiarena euskal kultura eta euskal etxe eta ekitaldiei zinez lotua izan baita. Bere ama Kate eta aita Manny estimatuak dira oso euskal komunitate barne eta kanpoan, baita bere osaba-izeba, lehengusu eta familiako gainerakoak, bere aitatxi-amatxi ziren bezala.
Ez dago laguntza kopuru txikiegirik, lagundu nahi baduzu kanpainak zenbait aukera ematen dizkizu.
Lagun bati bidali
Komentarioa gehitu
