Donostia-San Sebastian. Eta Diasporatik 2022ko Korrikari heldu zaizkion sostengu eta bategite irudien azken atalera iritsi gara. Euskal Herri osoan zeharkatzen duen lasterketa lasai baina etengabe honek hunkitzen ditu baita ere nazioartean barreiatutako euskaldunak, eta euskaltzaleak oro har, nonahi daudela ere. Denbora edo belaunaldiak aurrera joan badira ere, airean nabaritzen da partaidetza gogotsua, Buenos Airesetik Boise edo Washingtoneraino; Tolosatik Medellineraino, Bartzelonatik Seuleraino, Mallorca edo Valentziatik Txileko Santiagoraino. Hona irudiak:
Buenos Airesko Euskal Echea eskolako ikasleak Korrika hiriko kaleetatik euren egoitzaraino
Washington DC hiriko bihotz eta ikurr den National Mall-en ere Korrika 22ri eusten
Okzitaniako Tolosan, bertako Denak Bat EEkoak Korrika tobera baten gibeletik
Pariseko Euskal Etxea, Sustraiak Erroak elkartearekin batera antolatzaile frantses hiriburuan
Haur, gazte eta helduek euskal festa bihurtu zuten Bartzelona, Berriaren irudiok erakusten dutenez
Boisen, Euskal Museoak plazaratu zuen ohi bezala jarraipen handia bildu zuen Korrikarako deia
Hego Koreako hiriburu Seuldik Mondragon Team Academy-ko kideak Korrikako partaide
Chicago bizi diren euskal gazteek ez zioten batere muzin egin Praisku Aranburu usurbildarraren deiari
Borondatea dagoenean ez da askoz gehiago behar, irudian Medellingo Gure Mendietakoak EEkoak
Boise State University BSUko ikasleek lehenik unibertsitatean eta ondoren hirian korritu zuten
Gauza bera egin zuten Mexiko Hirian UNAMekoek, gero bat egiteko EEaren Korrikarekin
Gogotsu eta irudimenstu Mallorcako Artea Euskal Etxekoak frontó Son Rapinya-n
Sydneytik Gure Txokok ez zuen hutsegin, Beñatek azaltzen duenez
Txileko Santiagon unibertsitariak eta Erasmuseko euskal ikasleak ere EEraino heldu ziren
Valentziako Laurak Bat-en Korrikan !EHn euskaraz! Al Pais Valencià en Valencià!" ere oihukatu zuten
Eta Boisera itzultzen gara, kasu honetan bertako Ikastolako haurren eskutik
Ibilbidearen amaierak Buenos Airesera garamatza berriz ere, Euskaltzaleak:-ekin, lehenik Korrika, gero Trikipoteoa
Lagun bati bidali
Komentarioa gehitu
