euskalkultura.eus

Bilbao, Bizkaia. Deustuko Unibertsitatearen liburutegi berria 'Euskal Herriko handiena' da, Jaime Oráa errektoreak azaldu zuenez. Eraikin berriaren instalazioetan ia milioi bat ale, irakurgelatan 1000 eserleku, datu base digitalak eta on line zerbitzuak daude, besteak beste. Lau urte behar izan dira eraikin berria egiteko, Rafael Moneo arkitektoaren zuzendaritzapean, eta proiektuaren aurrekontua 40 milioi eurotakoa izan da.

Liburutegi berriaren helburuak ikaskuntza eta ikerkuntza sustatzea dira, izan ere, Oráa errektoreak azaldu zuenez, bi arlo hauek berebiziko garrantzia dute krisi ekonomiko latzak markatutako garai globalizatuotan. Liburutegiaren webgunetik munduko edozein bazterreko ikerlarik edo ikaslek liburutegiaren hainbat zerbitzu eskuragai izango dituzte: hemen.