euskalkultura.eus

Albisteak

Cristobal Balenciaga getariarraren 70 bat diseinu ipini ditu ikusgai Dallas hiri estatubatuarreko museo batek

2007/02/21

Dallaseko Meadows izeneko museo estatubatuarrak Cristobal Balenciaga euskal jostun famatuaren hainbat diseinu ipini ditu ikusgai maiatzaren 27rarte. Erakusketak Balenciaga and His Legacy (Balenciaga eta bere ekarpena) hartu du izenburu eta jostun getariarrak 1949 eta 1968 bitartean sortu zituen soineko esklusiboak ikus daitezke bertan. Soinekoak Texaseko hainbat emakume dirudunek Texas Fashion Collection bildumari utzitakoak dira. Arduradunen esanetan, 'erakusketa Texaseko goi-sozietatearen gustu kosmopolitaren adibiderik garbiena da'.

Meadows Museoaren zuzendari eta New Yorkeko Modaren Teknologi Institutuko partaide den Valerie Steelek argiro dioenez 'Cristóbal Balenciaga XX. mendeko jostunik handienetakoa izan zen, bere garaira aurreratua eta eragina gaur egungo modaraino helarazi zuena'. Balentziagaren erakusketarekin batera, Oscar de la Renta, Emanuele Ungaro, André Courréges edota Hubert de Givenchyren beste 30 bat kreazio ikus daitezke museoan.

Parisen lan egin zuen getariar jostunak, eta Parisen hiriarekin izandako erlazio estuagatik Frantzian ere omenaldia egin nahi izan diote. Izan ere, joan den urtarrilaren 28ra arte Pariseko Musée des Arts Décoratifsen, Balenciagaren 147 lan egon ziren ikusgai. Jostun famatuenetakoa izan zen gipuzkoarrak, erregin eta emakume aktore askoren begikoena, badauka jadanik, bere bizitzaren lanari eskeinita dagoen museo bat bere jaioterrian: Balenciaga Museoa. Museo honek dokumentu pertsonal, argazki eta soineko original eta informazio taulen bitartez, Getariako artistaren bizitza laburbiltzen du.


Lotura interesgarriak

Balenciaga Fundazioa
www.fundacionbalenciaga.com

Balenciagako erakusketa Parisen
EuskalKultura.comen argitaratua 2006ko uztailaren 7an

---

---

Irakurrienak

• 2024/12/12
  Kantua, bertsoa eta bozkario aldarrikagarria 2024ko Euskararen Egunean: ikus argazki eta bideoetako batzuk
• 2024/12/13
  Jean Leon Oçafrain asteartean oroitu zuten Ortzaizen; Johnny Kurutxet bertsolariaren elizkizunak bihar Ezterenzubin
• 2024/12/13
  Ana Maria Suárez Irigoyenek abiatuko du gaur online 2024ko EHUko Euskal Diaspora Graduondoko lanen defentsa
• 2024/12/16
  Viedma eta Patagones: Aberri Etxeak Giza Eskubideen Lehen Jardunaldietan partaide bere kultur zeregina hizpide
• 2024/12/16
  Montevideoko Euskal Erria EEa anfitrioi Euskaditik heldutako MASS proiektua aurkezteko zintzur-bustitze eta harreran

Azken komentarioak