Cnel. Pringles, Argentina. Sanferminetako egitarauaren baitan euskal produktuak zozketatu ditu Eusko Biltzar-ek joan den larunbatean, eta uztailaren 28ko Loteria probintzialarekin. 379 zenbakiarekin, Luis de Uriarte (Kiku) izan zen sariduna. Hau ez da izan, ordea, San Fermin jaiaren inguruan Cnel. Pringlesko Euskal Etxeak hilabetean zehar burutu duen ekintza bakarra. Izan ere, San Fermin eta Argentinako Independentziaren Eguna batera ospatu zituen erakundeak uztail hasieran, ‘txokolateada’ batekin.
‘Eusko Alaia’ Etxeko koruak antolatutako askarian, gainera, Instituzioko lagun den Irma Chotti de Ruiz Moreno-ren pintura erakusketa inauguratu zuen Eusko Biltzar-ek. Margolariaren irudiak, akrilikoz egindakoak, bere arbasoen jaioterriko paisaiak dira. Eta EEa kontent da deialdiaren emaitzekin. Bertatik adierazi dutenez, “abesbatzak urtero antolatzen duen ‘txokolateada’ oso arrakastatsua izaten da beti eta aurten ere halaxe izan da. Areto bete pasa genuen arratsaldean, musikaren erritmora eta opariekin, margolanez inguratuta”.
Lagun bati bidali
Komentarioa gehitu
