euskalkultura.eus

Donostia-San Sebastián. Caracas, Santiago eta Necocheako euskal etxeetatik elkarte hauen azken jardueren berri ematen duten buletinak jaso ditugu. Caracaseko Jazoerak, adibidez, elkarteak egin zuen Eguberriko bazkariaren berri eta Valentziako Euskal Etxearen Gabon afariaren berri dakar, beste artikulu eta erreportajeen artean. Santiagoko Berriketarik, berriz, Euzko Etxean Euskararen Nazioarteko Eguna dela eta egin ziren jarduerei buruzko argazki erreportaje ederra agertzen da, eta bertan kontzertua eman zuen Iñaki Etxepare txelo-jotzailearen kontzertu eta biraren berri ere. Azkenik, Necocheako Mezulari albistariak Pakea Bizkaia ontziaren bisita aipatzen du gai nagusien artean.

Jarraian, hiru buletinak (eta azaroko Jazoera ere) PDF eta Word formatoan:

Caracas:

-Jazoera 21 (Abendua 2012)

-Jazoera 20 (Azaroa 2012)

Txileko Santiago: 

-Berriketari 46 (Azaroa 2012)

Necochea: 

-Mezulari Necochea (Abendua 2012)