euskalkultura.eus

Cañuelas, Argentina. Buenos Aires probintziako hiri honetako herritarrek sasoi berriari ongi etorri egin  ta izpiritu gaiztoak uxatzeko aukera eduki zuten iragan larunbatean San Juan Gaueko ospakizunarekin. Herriko kaleetan zehar eginiko sorgin-desfile batekin ekin zion Denak Bat Euskal Etxeak festa jardunaldiari eta azti eta sorginez mozorrotutako adin guztietako gazteek parte hartu zuten ekitaldian.

[Cañuelaseko kaleetan zehar egindako desfilean gazte askok parte hartu zuten sorginez mozorrotuta]


[Panpin erraldoia zelaian ipini zuten gauean erretzeko]

Ibilaldia Rawson eta Maiatzaren 25eko zelaian amaitu zuten. Bertan, panpin erraldoi bat eraiki zuten elkarteko kideek, San Juan suan erretzeko. Usadioak agintzen du suaren gainetik salto egin behar dela urtean zehar gaixotasunik ez pairatzeko baina Cañuelaseko sutzarra handiegia zen eta panpin erraldoia erretzearekin batera, elkarteko dantzariek sutzarraren inguruan Euskal Herriko dantzak eta kantak eskaini zituzten.

[Rawson eta Maiatzaren 25eko zelaian bildutako ikusleen ikuspegi orokorra]


[Euskal Etxeko kideek dantza eta musika eskaini zuten sutzarraren inguruan]


[Partaideek espiritu gaiztoak uxatu zituzten panpin erraldoiaren erretzearekin (irudi multzoa InfoCañuelas.com)]

Lotura interesgarriak

InfoCañuelas
www.infocanuelas.com