euskalkultura.eus

Donostia-San Sebastián. Dagoeneko hasi gara jasotzen lehen parte-hartzaileen argazkiak. Madrilgo Danborrada, Argentinako euskaldunak, Euskal Herrira egindako bidaiak, dantza ikuskizunak... Guztiak daude ikusgai gure Flickr-reko galerian y en Facebookeko orrian.

Bilduma polita ari gara osatzen, baina oraindik zure argazkiak falta zaizkigu! Anima zaitez eta irabazi Canon kamera digital itzel bat! 

Argazkirik ez baduzu edo argazkirik ateratzeko biderik ez baduzu, zaude lasai, bidaliguzu 10-30 lerrotako testu bat zure euskal etxeko jarduera edo ekitaldiren bat deskribatuz eta euskal etxe edo elkarte horren parte izateak zuretzako zer esan nahi duen esanez.

Saria

Canon PowertShot SX120 IS argazki kamera, 8 GBko SD memoria txartel eta guzti. Kameraren ezaugarriak:

• 10 Megapixel
• 10x zoom optikoa IS-rekin
• Modu automatiko, adimenduna eta erraza
• Eszena detektatzeko teknologia
• 3,0"ko LCD pantaila handia
  
• DIGIC 4 prozesatzailea
  
• Aurpegiak detektatzeko teknologia
• Mugimendua detektatzeko teknologia
• i-Contrast funtzio hobetua
  
• Eskuz zeharo kontrolatzeko aukera
• Soinudun VGA bideo luzeak
  

Oinarriak

Argazkiak

• Originalak beharko dute izan eta euskal gai librea izango dute.
• Partehartzaile bakoitzak gehienez bost argazki bidali ahal izango ditu.
• JPG formatuan beharko dute izan, gutxieneko zabalera 800 pixeletakoa eta gehienez, bakoitzak, 2,5 MB pisua.
• Ondoko datuak bidali beharko dira: egilearen izen-abizenak, bizilekua, herria eta harremanetarako email eta telefonoa.
• Atxikitako dokumentu batean, argazki bakoitza labur deskribatu: zer agertzen den, non eta noiz aterata den, testuingurua...

Testuak

• 10 eta 30 lerro arteko luzera izan beharko du eta zure inguruko jarduera euskaldun bat deskribatu beharko du, edo zuri zer ekarpen egiten dizun euskal elkarte baten kide izateak.
• Euskaraz, gaztelaniaz edo ingelesez idatz daiteke.
• Partehartzaile bakoitzak bost testu original bidal ditzake gehienez.

Bai testuak eta baita argazkiak ere info@euskalkultura.com helbide elektronikora bidali beharko dira gaian "zozketarako" ipiniz.

Euskalkultura.com-ek bere Facebookeko orrian argitara ditzake argazki eta testuak.

Lehiaketan parte hartzeak oinarriok onartzea suposatzen du.

Oinarriak

Testuak eta argazkiak bidaltzeko azken eguna otsailaren 15a da, 23:59etan (Europako ordu kontinentala)

Zozketaren emaitzak webgunean, buletinean eta Facebook eta Twitterren emango ditugu aditzera otsailaren 18an.