euskalkultura.eus

Necochea, Argentina. Necocheako Euskal Etxeak beste behin ere ospatu zuen San Sebastian eguna, urtero legez ekitaldi andanarekin. Necocheatarren jaialdiak urtetik urtera gero eta lagun gehiago biltzen ditu, bai herriko lagunak eta baita inguruetako euskal etxeetatik etorritakoak. Aurten jaialdian Mar del Plata, Chascomus, Bahia Blanca, Rosario, Accion Vasca, Laprida, Balcarce eta Tandileko euskal etxeetako bazkideek ere parte hartu zuten. Jarduerei dagokionez denetarik izan zen bertan: pilota eta herri kiroletatik hasi eta mintzaldi, kalejira, erromeria eta, nola ez, ezinbesteko danborradaraino.

Jarraian Necocheako Euskal Etxeko bazkiden den Cristina Zubillagak bidali digun argazki kronika aurkezten dugu:

[Inguruetako euskal etxeetatik heldutako gazteek ederki gozatu zuten 2009ko Danborradako ekitaldien barruan larunbatean egin ziren herri kirolekin (argazkia Necochea EE)]

[Herri kirolen txapelketak iluntzeraino iraun zuen (argazkia Necochea EE)]

[Danborradako kideek Euskal Etxean eman zuten erakustaldiko une bat (argazkia Necochea EE)]

[Dantza taldeetako kideek danborradaren emanaldian parte hartu zuten (argazkia Necochea EE)]

[Danborrada eta emanaldien ostean partehartzaileek lagunarteko afariaz gozatu zuten (argazkia Necochea EE)]