euskalkultura.eus

Buenos Aires, Argentina. Jende askorentzat Argentinan oraindik oporraldiak puri-purian segitzen badu ere, Hiriburuko Mexiko kaleko euskaltegiko arduradunak etxea girotzen ari dira, orain arteko ikasleak zein ikasle berriak jasotzeko. Hilabete honetan, otsailak 4 hain zuzen, ikastaroetara bueltatu nahi duten ikasle ohiek laguntza-klaseak hartzeko aukera izango dute. Ekintza honen helburua ikasleen maila berdintzea da. Oinarrizko mailako klaseak María Belen Girasoleren ardurapean egongo dira, astearteetan eta ostegunetan, 6:30etatik 8etara. Maila altuagoa daukatenentzat --hirugarren urratsari begira-- eskolak asteartetan eta ostegunetan izango dira, 7etatik 9etara, Irene Lopez de Vicuña irakasle.

Boga programarekin lan egiten ari direnentzat ere proposamen bat dago abian. Ostiralero, eta arratsaldeko 6etatik 8etara, ikas-prozesua errazteko klaseak emango ditu Marina Arangunen irakasleak.

Oro har, martxoaren 8an emango zaio hasiera ikasturte ofizialari Euskaltzaleak erakundean. Hona hemen instituzioak iragarri duen ordutegia:

Lehenengo Urratsa:
Astearteetan - ostegunetan 7etatik 9etara, Irene López de Vicuña irakasle

Bigarren Urratsa:
Astelehenetan - asteazkenetan 7etatik 9etara, Irene López de Vicuña irakasle

Bigarren Urratsa:
Larunbatetan ordu 2etatik 5etara, Belen Girasole irakasle

Euskara eta Kultura II. tailerra:
Astelehenetan 6etatik 9etara, Mariana Fernandez Castelli irakasle

Hirugarren Urratsa:
Astearteetan – ostegunetan 7etatik 9etara, Marina Aranguren irakasle

Hirugarren Urratsa:
Astelehenetan – asteazkenetan, 5etatik 7etara, Marina Aranguren irakasle

Laugarren Urratsa:
Astelehenetan – asteazkenetan 7etatik 9etara, Sabrina Otegui irakasle

Kultur tailerra:
Asteazkenetan 6:30etatik 9:30etara.

Goi mailako tailerra:
Ostegunetan 7etatik 10etara, Teresa de Zavaleta irakasle

Izena emateko epea otsailaren 22an hasiko da, Euskaltzaleak-en egoitzan, Mexiko kalean 1880 zenbakian, arratsaldeko 4etatik 7estara. Aurre izen-ematea e-mailez egin daiteke, honako helbidera: euskaltzaleak@yahoo.com.ar. Xehetasun gehiago eskuratzeko: www.euskaltzaleak.org.ar