Buenos Aires, Argentina. Hamar urte baino gehiago bete ditu Buenos Aireseko Ekin Kultur Taldea proiektuak eta Aitor Alava arduradunaren esanetan “hamarkada luze honek oinarri sendoak ematen dizkigu etorkizunari begiratu ahal izateko”. 2019 ikasturte berriari so, eta nahiz eta ‘kide historioek’ asteak daramatzaten enseatzen, deialdi berezi bat egin du erakundeak ikasturtearen hasieran lagun berriak talderatzeko.
Ekin Kultur Taldeak leku berezia ematen die bere jardunean Euskal Herriko dantzei; hala ere, euskal kulturaren garrantzi handiko beste lau zutabe ere hartzen ditu kontuan, hala nola ohiturei, euskarari, mitologiari eta sukaldaritzari. Ekin Kultur Taldearen topaketak ‘La Fabrica’ kulturgunean izaten dira, larunbatero, arratsaldeko 3etan.
Lagun berriei begirako lehenengo bilera, datoreen larunbatean, martxoaren 9an izango da. ‘La Fabrica’ Acevedo kaleko 768. zenbakian dago. Informazio gehiago ekinkulturtaldea@gmail.com helbidera idatziz edo EKIN Kultur Talde-ra joz
Lagun bati bidali
Komentarioa gehitu
