euskalkultura.eus

Boise State University-ko(BSU) Euskal Ikasketa Programak antolatu duen bigarren Literatur Lehiaketarako lanak aurkezteko epea aurki amaituko da, urriaren 1ean. Nevada-Renoko Unibertsitateko Center for Basque Studies-ekin elkarlanean antolatu dute lehiaketa, eta bertara euskal gaia duten edozein eratako lanak aurkez daitezke, fikziozkoak ala ez-fikziozkoak, beti ere ingelesez idatziak.

Boise, AEB. Boise Estatuko Unibertsitateko Euskal Ikasketa Programatik gogora ekarri dutenez, Basque Literary Writing Contest lehiaketan parte hartzeko epea urriaren 1ean amaituko da. Erakundeak, bertan parte hartzeko gonbitea luzatzen die euskal gaiei buruz idazteko gogoa duten idazle, ikasle eta euskal gaietan adituei. Lanek, hori bai, ingelesez idatziak izan beharko dute.

Lehiaketan parte hartu nahi dutenek e-mailez bidali behar dituzte lanak, aipatu dataren aurretik, honako helbidera: basquestudies@boisestate.edu. Lanek edozein euskal gairi buruzkoak izan daitezke, fikzio alorrekoak edo ez. Lan onenek diru saria jasoko dute eta argitaratzeko aukera izango dute.

Informazio gehiago: http://sspa.boisestate.edu/basquestudies/projects/2014-basque-literary-writing-contest