Boise, AEB. Madalen Bieter lagun gazte euskalamerikarrak idatzi digu oroitarazteko airean eta interneten dela berriz ere Taupada irratsaioa, euskal musika eta komentarioz osatutako programa, Boisetik emititzen hasi zena eta sasoi berrian astero (edo zehatzago, normalean hirutan hilabetean), University of Montanaren laguntasunari esker emitituko dena. Hasteko ostiral honetan segitu ahal izango da 12:00etatik 14:00etara (Idaho eta Montanako ordua, AEB erdialdeko ordua), Euskal Herriko 22:00etatik 24:00etara.
Saioak aste honetakoa izango du bolada berriko lehenengo saioa eta, Madalenek iragartzen digunez, berehala hasiko dira berritzen informazioa sare sozialetan, hala nola Instagram (@taupa.da) eta Facebook kontuetan.
Gogoratu, ostiral honetan, martxoaren 12an, Boiseko Taupada, aipatutako orduetan, hemen entzun daiteke.
Lagun bati bidali
Komentarioa gehitu
