euskalkultura.eus

Boise, ID, Estatu Batuak. Boisen asteburu honetan, uztailaren 29, 30, 31ean ospatzen ari diren San Inazioko euskal festen berri izan nahi duenak, bertako telebistek emandako eta hona ekarri ditugun erreportaje hauen bidez segi dezake. Pilota partidak, musika, euskal dantzak, berbenak, euskal motako janari eta edariak, euskal meza, San Inazio eta Berriotxoako San Balendin ohoratzeko ekitaldiak, dantzarien prozesioa Boiseko Saint John katedraleraino, euskal erritmo zahar eta modernoak eta kale animazioa... horiek dira Boiseko euskal festetako osagaietako batzuk.

Lehenengo bideoa KTVB telebista kateari dagokio eta festak doi-doi hastekotan zirela izan da egina. Bigarrena ere kate berari dagokio. Boiseko Anduiza frontoiean egindako pala txapelketari dagokio.

[Barka bideo bakoitzaren hasieran dagoen publizitate laburra]

Hirugarren bideoa, berriz, NWCN telebistari dagokio eta larunbat arratsaldekoa da (gu hau larunbatez ari gara idazten, Euskal Herrian dagoeneko igandeko ordu txikiak direnean). Boiseko NWCN telebista kateak Boiseko euskal festei buruz emandako bideoa da.

'Boiseko Gazteak' gaztetxoen taldea hartzen dute aintzakotzat, eta interesgarria da. Albistea idatzita segitu nahi dutenek, ingelesez, euren webgunean, hemen irakur dezakete.

-Boiseko Euskal Etxearen webgunea: www.basquecenter.com