euskalkultura.eus

San Frantzisko, Kalifornia. Emprebask-USA sortzeko deia Eusko Jaurlaritzak Estatu Batuetan daukan Ordezkaritzaren aldetik etorri da, eta euskal jatorria duten edo Euskal Herriarekin harremana edo interesa daukaten enpresari, exekutibo eta profesionalei zuzendua da. Ideiaren aurkezpena eta orain arteko ibilibidea apirilaren 16an, ostegunez, egingo da, arratsaldeko zazpietatik aurrera, South San Frantziskoko Basque Cultural Center Euskal Etxearen egoitzan (599 Railroad Avenue, South San Francisco, CA 94080). Bertaratzeko asmoa dutenei aldez aurretik baieztatzea eskatzen zaie, bi helbide hauetako batean: San Frantziskon, Xabier Berruetari (xabierberrueta1@yahoo.com) edo New Yorken Santiago Uriberi (santiago-uribe@ej-gv.es).

Bigarren deialdiari dagokionez, Emprebask-USA sustatzen ari direnek NABOko Udaberriko Bilkurara bertaratuko diren ordezkarien aurrean egingo dute. Bi egun beranduago izango da, larunbatean, apirilaren 18an, goizeko zazpi t'erdietatik aurrera St. Ambrose Catholic Church-en aretoan (1975 South 23rd East) bilduko diren euskal etxeetako NABO ordezkariei zuzendua.